ЯҢАЛЫКЛАР

1 августта “Авылның сәләтле 100 баласы – 2011” социаль акциясендә катнашу өчен гаризалар кабул ителә башлады. Акциянең төп максаты – авыл җирлегендә яшәүче сәләтле балаларга һәм аларның укытучыларына ярдәм итү. Чара Татарстан Авыл хуҗалыгы һәм азык-төлек министрлыгы, Татарстан Мәгариф һәм фән министрлыгы һәм MasterCard халыкара түләү системасы ярдәмендә “Татфондбанк” тарафыннан үткәрелә.

1 августка бирелгән оператив белешмәләр буенча республикада бүгенгә барлыгы 178 мең гектар мәйданнан бөртекле һәм кузаклы культуралар җыеп алынган. Урып-җыюда Әлки, Сарман, Алексеевски, Норлат районы игенчеләре әйдәп бара.

31 июльдә Татарстан Президенты Рөстәм Миңнеханов эш сәфәре белән Питрәч һәм Теләче районнарына барды. Республика башлыгын ТР Премьер-министр урынбасары – ТР авыл хуҗалыгы һәм азык-төлек министры Марат Әхмәтов озатып йөрде.

Бүген Татарстан Президенты Рөстәм Миңнеханов һәм ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов  Кайбыч һәм Апас районнарында урып-җыю кампаниясе, терлек азыгы әзерләүнең барышы танышты.

31 июльдән 6 августка кадәр Ульян өлкәсенең “Рус дөньясы” ял базасы территориясендә “Бүгенге заман шартларында авыл территорияләренең тотрыклы үсеше” дигән исем астында I Халыкара авыл яшьләре форумы узачак.

Татарстанда урып-җыю башланганнан алып 100 мең тонна ашлык суктырылган. Бөртекле культуралар 31 мең гектар мәйданда җыеп алынган.

Игенчеләребезгә 1 миллион 600 мең гектардан артык бөртекле һәм кузаклы культураларны җыеп аласы бар. Бүгенге көннең төп бурычы – тәүлек саен 200 мең тонна ашлык суктырып алу! Уртача уңыш – мең бөртекнең 40 граммнан артуын исәпкә алганда, гектарыннан 30 центнердан ким булмас дигән ышаныч бар.

Баулы муниципаль районы хуҗалыкларының 2011 елгы урак эшләрен үткәрүгә әзерлеге тикшерелде, дип хәбәр итә “Хезмәткә дан” газетасы хәбәрчеләре.

Оператив белешмәләр буенча, республикада бөртекле һәм кузаклы культуралар 8,6 мең гектар мәйдан җирдән җыеп алынган. Беренчеләр рәтендә Әлки, Кайбыч, Алексеевск, Норлат һәм Чистай районнары.

Агымдагы елда авыл хуҗалыгының икътисади мөһим төбәк программаларына өстәмә 6 млрд. сум акча бүленәчәк. Бу хакта Россия хөкүмәте рәисе Владимир Путин белән очрашу барышында РФ авыл хуҗалыгы министры Елена Скрынник белдерде.