ЯҢАЛЫКЛАР

Татарстан Республикасында урып-җыю эше ахырына якынлаша – бүгенгә уракның 75% тәмамланган.

9 сентябрьдә Татарстан Республикасының авыл хуҗалыгы өлкәсен модернизацияләүгә багышланган инновацион проектлар бәйгесенә гаризалар кабул итү тәмамлана.

9 августка бирелгән оператив хәбәрләр буенча Татарстан игенчеләре 2 миллион тоннадан артык ашлык суктырган. Республика буенча уртача уңыш күләме гектарыннан 31,8 центнер тәшкил итә.

Бүген ТР Авыл хуҗалыгы һәм азык-төлек министрлыгында бу елның 7 аенда терлекчелек тармагында башкарылган эш йомгакларына багышланган киңәшмә узды.

Татарстан бу атна ахырына урып-җыю эшләренең югары ноктасына – уртасына җитәргә тиеш! Республика Авыл хуҗалыгы һәм азык-төлек министрлыгы игенчеләребез алдына шундый бурыч куя. Моңа ирешү өчен республика хуҗалыкларында көн саен барлык мәйданнарның 4 процентында урып-җыю эшләре башкарырга кирәк. Әлеге бурычны үтәүчеләр арасында Питрәч районы хуҗалыклары да бар.

9 августка алынган оператив хәбәрләр буенча Татарстан Республикасында 1654 мең тонна терлек азыгы әзерләнгән, бер баш терлеккә уртача 26,8 центнер азык берәмлеге туры килә.

8 августка бирелгән оператив хәбәрләр буенча республикада урак башланганнан бирле 1566,7 мең тонна ашлык җыелган, шуның 510,1 мең тоннасы – уҗым арышы, 605,3 мең тоннасы – уҗым бодае, 342,3 мең тоннасы – арпа, 58,2 мең тоннасы – борчак.

Хәзерге көнгә республикада 1 миллион тонна ашлык суктырылган. Уртача уңыш гектарыннан 31,3 центнер тәшкил итә.

Элегрәк урып-җыю чоры авылда беркемне дә битараф калдырмагандыр. Кырдагы эшләрне вакытында башкарып чыгу өчен кем ничек булдыра ала – шулай тырыша иде. Кем әйтмешли, әбидән – бәбигә, малай-шалайлардан – бабайларга чаклы кайсы кырда, кайсы ындыр табагында булды.

2 августка тапшырылган оператив хәбәрләр буенча Татарстанда үткән көннәрдә 3524 тонна сөт җитештерелгән.