ЯҢАЛЫКЛАР
Агымдагы елның 23 июлендә Чистай районында беренче уңыш бәйрәмен билгеләп үтәләр. Кама аръягы зонасы кырларыннан җыелган беренче уңыш ашлыгын төягән “КАМАЗ”лар Россия һәм Татарстан әләмнәре белән тантаналы төстә Чистай элеваторына юл алды. Алексеевский, Яңа Чишмә, Аксубай һәм Чистай районнарыннан ашлык төяп 12-14 шәр машина килгән иде. Аларның һәркайсында 20 тоннага якын ашлык.
Шушы көннәрдә ТР Премьер-министр урынбасары – авыл хуҗалыгы һәм азык-төлек министры Марат Әхмәтов Татар фәнни-тикшеренү институтының тәҗрибә кырлары белән танышып кайтты. Институт галимнәре белән министр язгы культуралар унышы, урып-җыю эшләренә әзерлек һәм уҗым культураларын чәчү хакында сөйләште.
Алексеевск, Чистай районы игенчеләре бөртекле һәм кузаклы культураларны урып-җыюга кереште. Беренчеләрдән булып эшкә “Родина” хуҗалыгы (Алексеевск районы) һәм ҖЧ “Куклушкино” җәмгыяте (Чистай районы) тотынды.
Бүген ТР Премьер-министр урынбасары – ТР авыл хуҗалыгы һәм азык-төлек министры Марат Әхмәтов җитәкчелегендә узган киңәшмәдә терлекчелек буенча агымдагы елның беренче ярты еллыгына нәтиҗәләр ясалды.
Республиканың Россия авыл хуҗалыгы күзәтчелеге идарәсе белгечләре Ютазы районы Ташкичү авыл хуҗалыгы җирлегендә саранча (итальян прусы) тапкан. Кайбер урыннарда бу корткычларның саны квадрат мәйданда 15-20 гә җиткән.
Бүген Игенчеләр сараенда Татарстан республикасы дәүләт ветеринар хезмәтенең киңәшмәсе узды. Әлеге чарада 2010-2011 елгы кышлатуга нәтиҗәләр ясалды һәм ветеринарларның агымдагы ярты еллык эшчәнлеге анализланды.
Кайчагында гаҗәпкә каласың. Шундый ук авыллар, уңдырышлы җирләр. Кешеләре, эш шартлары да бер үк. Тик хезмәт нәтиҗәләре генә җир белән күк арасы. Баксаң- күрсәң, моның сере һаман да шул кеше факторына, төгәлрәк итеп әйткәндә, җитәкчегә, аның эшне оештыра белү сәләтенә барып тоташа икән...
Агымдагы елның 18 июлендә ТР Премьер-министр урынбасары – ТР авыл хуҗалыгы һәм азык-төлек министры Марат Әхмәтов авыл хуҗалыгының актуаль сораулары буенча җыелыш уздырды.
Актаныш муниципаль районының үзәк Сабантуй мәйданында терлекчеләр җыены узды. Биредә әлеге тармакта башкарылган 6 айлык эшкә йомгак ясалды.
Җәй уртасы җитте. Авыл хуҗалыгында эшнең иң кызган чагы. Алны-ялны белмичә авыл хуҗалыгы эшчәннәре кышка терлек азыгы әзерләү белән шөгыльләнә. “Ашлыкны сатып алып та була, ә менә терлек азыгы артыннан читкә чыгып чабуы читен, шуңа күрә ел уңай килүдән файдаланып,печәнне күп итеп әзерләргә кирәк”, — диде ТР Президенты Хөкүмәт йортында күптән түгел уздырылган киңәшмәдә.