ЯҢАЛЫКЛАР
«2014 – 2020 елларга Россиянең авыл хуҗалыгы билгеләнешендәге җирләрен мелиорацияләүне үстерү» яңа федераль максатчан программасын гамәлгә ашыру кысаларында профильле Департамент тарафыннан авыл хуҗалыгы билгеләнешендәге җирләрне мелиорацияләүне үстерүнең төбәк программаларын сайлап алуны оештыру эше уздырыла, дип хәбәр итә Россия Федерациясе Авыл хуҗалыгы министрлыгы.
Дөньяда иң зур халыкара агросәнәгать күргәзмәсе “Яшел атна – 2014” агымдагы елның 26 гыйнварына кадәр дәвам итәчәк. Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов җитәкчелегендәге Татарстан Республикасы АПК делегациясе 17 гыйнварда “Яшел атна – 2014” Халыкара күргәзмәсен ачуда катнашты.
Кичә, 20 гыйнварда, “Татарстанның агробизнес кадрларын яңадан әзерләү институты (ДПОТИПКА)” Федераль дәүләт бюджет мәгариф учреждениесендә республика муниципаль районнарының авыл хуҗалыгы оешмалары җитәкчеләре өчен укулар башланды.
Татарстанда авыл кешеләре кондитер һәм казылык әйберләре күбрәк булсын иде дигән теләк белдерделәр. Гомумән алганда, 2013 елда район кулланучылар җәмгыятьләренең үз цехларында ТР АПК хезмәткәрләре өчен 1,7 млрд. сумга азык-төлек продуктлары җитештерелгән, бу узган ел күрсәткечләренә караганда 139% тәшкил итә, дип әйттеләр Татарстан Кулланучылар берлегендә.
Татарстан Республикасы Югары Ослан районында тиздән реконструкциядән соң район ветеринария идарәсенең яңартылган бинасы ачылачак. Хәзер анда хайваннар авыруларын диагностикалау өчен заманча җайланмалар урнаштыру эшләре бара, дип хәбәр итә район авыл хуҗалыгы һәм азык-төлек идарәсе башлыгы Рәшит Гобәйдуллин.
Татарстан Республикасы Авыл хуҗалыгы һәм азык-төлек министрлыгының оператив күрсәткечләре буенча агымдагы елның 20 гыйнварында авыл хуҗалыгы предприятиеләре тарафыннан 2735,2 тонна сөт савып алынган.
2014 елның 17 гыйнварында Россельхознадзор җитәкчесе урынбасары Николай Власов рәислегендә«Сөт һәм сөт продукциясе белән тәэмин итү» темасына видеоконференция үткәрелде.
Евразия Икътисадый комиссиясе советының 2013 елның 9 октябрендәге 67 һәм 68 номерлы “Сөт һәм сөт продукциясе иминлеге турында” һәм “Ит һәм ит продукциясе иминлеге турында” карарлары белән Таможня берлегенең техник регламентлары расланды, алар 2014 елның 1 маеннан гамәлгә керәчәк.
Бүген “Яшел атна - 2014” халыкара авыл хуҗалыгы күргәзмәсендә Россия павильонын ачу тантанасы була. Киң күләмле аграр форум 2014 елның 16 – 26 гыйнвар көннәрендә Германия башкаласында узачак.
Татарстан Республикасы Авыл хуҗалыгы һәм азык-төлек министрлыгы ТР Аграр яшьләр берләшмәсе белән берлектә АПК яшь белгечләрен халыкара алмашуда катнашу өчен гаризалар кабул итүне игълан итте.