ЯҢАЛЫКЛАР

Ютазы муниципаль районында 2012-2015 елларда авыл хуҗалыгын үстерү программасы эшли. Районның авыл хуҗалыгы идарәсе башлыгы урынбасары Марсель Зарипов әйтүенә караганда, әлеге программа кысаларында һәрбер хуҗалык мөгезле эре терлек санын үстерү өстендә уңышлы эшли.

2013 елның 14 сентябре көнне “Казан” агропромпаркында чираттагы авыл хуҗалыгы ярминкәсе узачак.

Бу шимбәдә шәһәр халкына арзан бәядән, киң ассортиментта подукцияне Лаеш, Балтач, Алексеевский, Балык-Бистәсе, Арча, Кама Тамагы муниципаль районнарыннан килгән авыл хуҗалыгы җитештерүчеләре тәкъдим итәчәк.

Агымдагы елның 11 сентябренә алынган  оператив мәгълүматларга караганда Татарстанда шикәр чөгендерен җыя башладылар. 3541 га мәйдан казып алынган, бу фаразланганның 6 проценты. 98 мең т тамыразык җыелган, уртача уңыш - 277 ц/га тәшкил итә.

Россиядә беренче булып ит эшкәртү калдыкларын эшкәртү буенча Saria Германия концерны заводы бүген "Алабуга" МИЗда эшләтеп җибәрелде. Әлеге заводны эшләтеп җибәрү тантанасында Татарстан Республикасы Президенты Рөстәм Миңнеханов катнашты. Аны ТР Премьер-министры урынбасары – авыл хуҗалыгы һәм азык-төлек министры Марат Әхмәтов озатып йөрде.

2013 елның 11-16 сентябрь көннәрендә Минзәлә муниципаль районында  VIII җәйге авыл хуҗалыгы «Авыл Яшьләре» спорт уеннары узачак.

Әлеге чараны ТР Авыл хуҗалыгы һәм азык-төлек министрлыгы,  ТР Яшьләр эшләре, спорт һәм туризм министрлыгы, ТР «Уныш» физкультура-спорт җәмгыяте һәм ТР Минзәлә муниципаль районы  оештыра.    

Татарстан авыл хуҗа­лыгы фәнни-тикшеренү институты галимнәре әйтүен­чә, кукуруз үзенең биологик сый­фатлары, шул исәптән терлек организмы өчен аеруча файдалы матдәләргә бай булуы белән башка үсемлек­ләрдән күпкә отышлырак. Аның составында шикәр дә башка үсемлекләрдән бермә-бер күбрәк. Кукуруздан соң туфракның өске катламында шактый күләмдә файдалы микроорганизмнар калуы да – җир файдасына. Кыскасы, киләчәктә кукурузны бөртек­кә игү мәйданын арттыручы хуҗалыклар төрле яклап отачак, ди белгечләр.

РФ Авыл хуҗалыгы һәм азык-төлек министры Николай Федоров   Россиянең авыл хуҗалыгы өлкәсенә ярдәм күрсәтү максатыннан  42 миллиард сум өстәмә субсидияләр  бүлеп бирелүе турында хәбәр итте.

Агымдагы елның сигез аенда Чүпрәле муниципаль районы буенча 15217 тонна сөт җитештерелгән (бу, үткән елның шул ук чоры белән чагыштырганда, 143 тоннага артык). Шуның 13544 тоннасы кабул итү пунктларына озатылган. Бер сыердан уртача 3280 кг сөт савылган.

Сентябрьнең беренче декадасы тәмамлана, ләкин Татарстан кырларында тәмамланмаган эшләр бар әле, дип белдерде республика киңәшмәсендә ТР Премьер-министры урынбасары – авыл хуҗалыгы һәм азык-төлек министры Марат Әхмәтов.

2013 елның 9 сентябренә алынган опреатив мәгълүматларга караганда быел Татарстанда бәрәңге  мәйданнарның 1422 гектарында җыеп алынган (18 процент).