ЯҢАЛЫКЛАР
Министрлыкта Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры каршындагы Коррупциягә каршы көрәш комиссиясе утырышы узды. Аны әлеге Комиссиянең рәисе урынбасары, Татарстан Республикасы авыл хуҗалыгы һәм азык-төлек министры урынбасары - Марсель Мәхмүтов үткәрде.
Узган атнада «Татарстан Республикасының иң яхшы товарлары һәм хезмәтләре» конкурсының «Азык-төлек товарлары» номинациясендә «Сөт һәм ит продукциясе» һәм «Икмәк-күмәч, кондитер һәм макарон әйберләре ярмалар, яшелчәләр һәм җиләк-җимешләр» буенча эксперт комиссияләре утырышлары узды.
Бүген Казан ипподромы территориясендә Сабантуйга багышланган киң күләмле ат-спорт бәйрәме узды.
Бүген Министрлыкта Кытайның Шаньдун провинциясеннән Брикс шәһәрләре ассоциациясе утырышында катнашкан аграрийлар делегациясе белән очрашу узды. Киңәшмәдә Министрлык исеменнән авыл хуҗалыгы һәм азык-төлек министрының беренче урынбасары Ленар Гарипов, тармак бүлекләре башлыклары катнашты.
Бүген Министрлыкта эшкуарларның һәм сәнәгатьчеләрнең Рус-Азия берлеге (РАСПП) делегациясе белән очрашу узды. Анда Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов, эшкуарларның һәм сәнәгатьчеләрнең Россия-Азия берлеге вице-президенты, Гуанчжоуда РАСПП вәкиллеге башлыгы Алексей Федотов, Кытайда РАСПП вәкиллегенең икътисадый хезмәттәшлек буенча директоры Антонина Федотова, Министрлыкның тармак бүлекләре җитәкчеләре катнашты.
Кешегә эшләргә генә димәгән бит, ул ял итәргә дә, бәйрәм итәргә лаек - Арча районының «Ак барс» агрокомплексында шулай диләр. Шуңа күрә биредә хезмәткәрләрне хөрмәтләү өчен бәйрәм - предприятие терлекчеләре өчен Сабантуй оештырдылар. Россия Федерациясе агросәнәгать комплексы хезмәткәрләре һөнәр берлегенең Татарстан республика оешмасы рәисе Фәридә Гарифуллинаны бәйрәмгә кунак итеп чакырдылар.
Россельхозбанк авыл торакларын төзекләндерүгә кредит бирү буенча “Авыл территорияләрен комплекслы үстерү” программасында актив катнашучы булып тора. Татарстанда бу максатларга 775 млн сум акча бирелгән. Шуның 355 млн сумы бу елда бирелгән. Республика халкы акчаның күп өлешен йортлар ремонтлау өчен ала.
«Россия авыл хуҗалыгы үзәге» ФДБУнең Татарстан Республикасы филиалының мәгълүмат-технология бүлеге башлыгы Нияз Булатов Казан (Идел буе) федераль университетының «Картография һәм геоинформатика» юнәлеше буенча имтиханнар комиссиясе составына кертелде.
Министрлыкта табиб-эпидемиолог Камилла Юзеева "Хезмәт коллективларында ВИЧ-инфекцияне профилактикалау" темасына лекция укыды. Уку онлайн һәм офлайн форматта оештырылды. Министрлык хезмәткәрләренә шәһәрдәге эпидемиологик хәл, саклану чаралары һәм йогышлануны профилактикалау турында сөйләделәр.
Татарстан Республикасы Авыл хуҗалыгы һәм азык-төлек министрлыгы шәхси ярдәмче хуҗалык алып баручы гражданнар тарафыннан 2024 елның 1 апреленнән 1 июленә кадәр сатып алынган чебиләргә тотылган чыгымнар өлешен каплауга субсидияләр алу өчен 2024 елның 17 июненнән алып 2 июленә кадәр гаризалар алу турында хәбәр итә. Субсидия күләмнәре Татарстан Республикасы Министрлар Кабинетының «Татарстан Республикасы территориясендә шәхси ярдәмче хуҗалыкларны үстерүгә дәүләт ярдәме чаралары турында» 2021 елның 15 июнендәге 452 номерлы карары нигезендә түбәндәгечә каралган: бер күркә чебие өчен - 200 сум, каз чебие - 200 сум, үрдәк чебеше - 120 сум, бройлер чебеше өчен - 100 сум.