ЯҢАЛЫКЛАР
2025 елның 17-19 сентябрендә Татарстан Республикасы башкаласы Казанда «Kazan Digital Week — 2025» халыкара форумы узачак. Форумның миссиясе - фәнни-техник мәгълүмат алмашуга, импортны алыштыру һәм алга чыгу бурычларын нәтиҗәле хәл итәргә сәләтле фәнни-технологик активларны берләштерүгә, Россия Федерациясенең, халыкара хезмәттәшлектә лидерлык нигезе буларак, технологик суверенитетын һәм белешмәләр суверенитетын тәэмин итүгә ярдәм итү.
Бүген Министрлыкта Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов булачак беренче сыйныф укучыларын тантаналы рәвештә алдагы Белем көне белән котлады.
Татарстан Республикасында «Агрометеомониторинг» масштаблы проектының төп этабы актив җәелдерелә: төбәк кырларында Росгидрометның катгый нормативларына туры килә торган метеостанцияләрне монтажлау башланды. Бу - теркәлә торган параметрларның — температура, дымлылык, җил тизлеге, явым-төшем күләме һәм авыл хуҗалыгы өчен башка критик күрсәткечләрнең дөрес һәм легитим дип танылуына гарантия.
Узган атна ахырында Саба муниципаль районының Шекше авыл җирлеге территориясендә умартачыларның «УмартаТуй - 2025» бәйрәме узды. Әлеге чара инде 6нчы мәртәбә уздырыла һәм елдан-ел ул киңәя генә бара. Бәйрәмне ачуда Саба муниципаль районының Авыл хуҗалыгы һәм азык-төлек идарәсе башлыгы Гафур Хәсәншин, Шекше авыл җирлеге башлыгы Радик Хәйретдинов, Татарстан Республикасы Авыл хуҗалыгы һәм азык-төлек министрлыгының умартачылык һәм аквакультура секторы мөдире Динард Гатауллин, «Игенче» ҖЧҖ җитәкчесе Алмаз Зарипов катнаштылар.
30 августта Казан ипподромы Россия Федерациясе Президенты призына мавыктыргыч ат чабышлары үзәгенә әвереләчәк. Казанда инде өченче тапкыр уза торган бу тамаша ат спортын яратучылар өчен истә калырлык бәйрәм булырга тора. Ярышларның гомуми приз фонды - 38 миллион сум, ә чабышларда Россиянең 28 төбәгеннән иң яхшы 190 менге һәм юртак атлар катнашачак.
Татарстан Республикасында бүгенгә 1 млн 228 мең га бөртекле культуралар мәйданының 691 мең гектары, ягъни барлык мәйданның 56%ы суктырылган, 2 млн 866 мең тонна ашлык җыелган, уртача уңдырышлылык – 41,5 ц/га.
Россиядә 2024 елга үзебезнең орлыклар өлеше 67,6%ка кадәр артты. 2022 елда ул 60,3% булган. Бу хакта Россия Федерациясе авыл хуҗалыгы министры Оксана Лут Казанда узган «Русское поле – 2025» бөтенроссия селекционерлар һәм орлыкчылар форумының пленар утырышында җиткерде.
Авыл хуҗалыгында төп бурычларның берсе – селекция өчен база булдыру. Бу хакта Россия авыл хуҗалыгы министры Оксана Лут Казанда «Русское поле – 2025» бөтенроссия селекционерлар һәм орлыкчылар форумының пленар утырышында белдерде.
Россия Федерациясе авыл хуҗалыгы министры Оксана Лут Казан дәүләт аграр университетының Агробиотехнопаркында 2нче көн уза торган «Русское поле» киң күләмле тармак форумында булды. Аның белән бергә Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров йөрде. Экскурсия программасын Казан ДАУ ректоры вазыйфаларын вакытлыча башкаручы Илшат Нуриев үткәрде.
Татарстан Рәисе Рөстәм Миңнеханов һәм Россия Федерациясе авыл хуҗалыгы министры Оксана Лут Казан дәүләт аграр университетының яңа тулай торагын ачуда катнаштылар. Аларны Татарстан Республикасы вице-премьеры - ТР авыл хуҗалыгы һәм азык-төлек министры Марат Җәббаров һәм югары уку йорты ректоры вазыйфаларын вакытлыча башкаручы Илшат Нуриев озата йөрде.