ЯҢАЛЫКЛАР
Татарстан Республикасы Авыл хуҗалыгы һәм азык-төлек министрлыгында Татарстан Республикасы агросәнәгать комплексының ветеран-юбилярларын котладылар.
2025 елның 24-28 сентябрендә Казанда Спорт сарае фойесында (адресы: Казан шәһәре, Мәскәү урамы, 1 йорт) халык куллануы товарларының айлык күргәзмә-ярминкәсе – “Муллык” («Изобилие») Татарстан сәүдә фестивале узачак.
Һәр зур вакыйга артында атмосфера тудыручы кешеләр тора. Казан ипподромында Татарстан Республикасы һәм Казан шәһәре көнен бәйрәм итү уңаеннан уздырылган чарага йомгаклар ясалды һәм шушы бәйрәмнең югары дәрәҗәдә һәм оешкан төстә узуына үзләреннән зур өлеш кертүчеләргә рәхмәт белдерделәр.
Узган ялларда Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров Батыршин һәм Ямашев урамнарындагы ярминкә мәйданчыкларының эшен карап чыкты. Быел биредә ярминкә мәйданчыкларын реконструкцияләү һәм модернизацияләү эшләре башкарылган. Казанда барлыгы алты мәйданчыкта асфальт өслекләре алыштырылган һәм яңа яктырткычлар урнаштырылган. Моннан тыш, ярминкәләргә килүчеләр өчен ял итү, чәй эчү урыннары булдырылган һәм модуль бәдрәфләр куелган, ветеринария хезмәте күрсәтү өчен аерым бүлмә көйләнгән. Шул эшләр белән беррәттән ике яңа мәйданчык тулысынча төзекләндерелгән — Беломорский, 6 мәйданчыгы Ленинградский, 27 мәйданчыгына алыштырылды һәм Әлфия Авзалова, 15 адресы буенча (Салават Күпере торак массивы) яңа мәйданчык ачылды.
Татарстан Республикасында граждан җәмгыяте институтларын үстерүгә керткән өлеше өчен Татарстан Республикасы Рәисе премиясен бирү комитеты Татарстан Республикасы Рәисе премиясенә дәгъва кылу өчен документлар кабул итү турында хәбәр итә.
Татарстанда бөртекле культураларны җыю төгәлләнү стадиясендә. Тагын 40 мең гектар чамасы суктырасы бар. Бу хакта бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров хәбәр итте.
Бүген Казанда Татарстан Республикасы Рәисе вазыйфасына керешү уңаеннан тантаналы чаралар узды. Тантаналы чарада Россия Федерациясе Хөкүмәте Рәисе урынбасары Марат Хөснуллин, Россия Федерациясе Президентының Идел буе федераль округындагы Вәкаләтле вәкиле Игорь Комаров, Россия Федерациясе Федераль Собраниесе Дәүләт Думасы Рәисе урынбасары Александр Бабаков, Татарстан Дәүләт Киңәшчесе Минтимер Шәймиев, дустанә илләрнең Гадәттән тыш һәм Вәкаләтле илчеләре, Россия Федерациясе субъектлары башлыклары, махсус хәрби операция Геройлары һәм башкалар катнашты.
Татарстан Республикасы Кайбыч муниципаль районында “Август-Кайбыч” агропредприятиесе территориясендә бөртекле культураларны, майлы культураларны һәм силосны полимер җиңсәләрдә саклау технологияләрен күрсәтү буенча махсуслаштырылган мәйданчык ачылды. Проект Россиянең алдынгы синтетик материаллар җитештерүче СИБУР компаниясенең һәм үсемлекләрне яклау чаралары базарында лидерларның берсе, алдынгы агротехнологияләр белән тәэмин итүче «Август» компанияләре төркеменең стратегик партнерлыгы нәтиҗәсендә гамәлгә ашырылды. Демонстрацион мәйданчык аграрийларга авыл хуҗалыгы продукциясенең югары сыйфатлы саклануын тәэмин итәргә һәм урып-җыюдан соңгы логистикага һәм туплауга чыгымнарны шактый киметергә мөмкинлек бирә торган нәтиҗәле һәм һәркем файдалана алырлык технологик чишелешнең өстенлекләрен кыр шартларында күрсәтә.
Шушы көннәрдә Россия Федерациясе АПК хезмәткәрләре һөнәр берлегенең республика комитеты район һәм башлангыч һөнәр берлекләре оешмалары рәисләре, шулай ук Татарстан Республикасы АПК оешмаларының хезмәтне саклау буенча вәкаләтле вәкилләре һәм белгечләре өчен уку оештырды. Чарада барлыгы 105 катнашучы булды. Тренингның максаты - төрле характердагы ашыгыч хәлләрдә беренче ярдәм күрсәтү буенча белемнәрне һәм күнекмәләрне арттырудан гыйбарәт иде.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы авыл хуҗалыгы һәм азык-төлек министры урынбасары Рафаэль Фәттахов рәислегендә «Rose Blanche Group» төркеме президенты киңәшчесе Имед Маджуб белән эшлекле очрашу узды.