ЯҢАЛЫКЛАР
Бүген Татарстан Республикасы Әтнә муниципаль районында терлекчелек һәм силос әзерләү буенча зона семинар-киңәшмәсе узды. Анда Татарстан Республикасы авыл хуҗалыгы һәм азык-төлек министры урынбасары Гөлүс Баязитов, Татарстан Республикасы Әтнә муниципаль районы башлыгы Рөстәм Хисамиев, Татарстан Республикасы Министрлар Кабинетының Баш ветеринария идарәсе башлыгы Тимур Галиев, шулай ук республика муниципаль районнарының авыл хуҗалыгы һәм азык-төлек идарәләре җитәкчеләре һәм белгечләре, ветеринария хезмәте һәм агросәнәгать комплексы предприятиеләре хезмәткәрләре катнашты.
Бүген Татарстанның Аксубай районында Татарстан Республикасы Премьер-министры урынбасары - авыл хуҗалыгы һәм азык-төлек министры Марат Җәббаров катнашында «Аграр белгечлекләрнең һәм авыл тормышының абруен күтәрү» темасына йомгаклау зона семинары узды. Чарада шулай ук «Татарстан Республикасы Аграр яшьләр берләшмәсе» төбәк иҗтимагый оешмасы рәисе Миләүшә Заһидуллина, Аксубай муниципаль районы Башкарма комитеты җитәкчесе Алмаз Мингулов, Казан дәүләт аграр университетының беренче проректоры Айрат Вәлиев, персонал буенча директорлар, кадрлар мәсьәләләре буенча әйдәүче менеджерлар, агропредприятиеләр җитәкчеләре һәм башка рәсми затлар катнашты.
Татарстан Республикасы авыл хуҗалыгы һәм азык-төлек министры урынбасары Гөлүс Баязитов җитәкчелегендәге Татарстан Республикасы делегациясе эш сәфәре белән Кытайда Импорт азык-төлек продуктлары һәм авыл хуҗалыгы продукциясенең CIFA халыкара күргәзмәсендә булды. Күргәзмә үзәк Кытайда импорт азык-төлек продуктларын һәм авыл хуҗалыгы продукциясен сатып алу буенча алдынгы тармак чарасы булып тора. Чарада шулай ук "Элита" дәүләт нәсел предприятиесе" АҖ генераль директоры Фәннур Зарипов, "Хәят" авыл хуҗалыгы продукциясен җитештерү-сату-тәэмин итү буенча авыл хуҗалыгы кооперативы җитәкчесе Алмаз Рәхимов катнаштылар.
2025 елның 16 октябрендә Казан кооператив институтында "Агротуризм мәктәбе" белем бирү инициативасы эшли башлаячак, ул Россельхозбанк белән Гомуммилли кунакчыллык индустриясе берлегенең уртак проекты. Программада авыл һәм аграр туризм өлкәсе вәкилләре, шулай ук Идел буе федераль округыннан һәм күрше төбәкләрдән фермерлар һәм авыл хуҗалыгы җитештерүчеләре түләүсез нигездә катнаша алалар.
Узган ялларда «Казан» агросәнәгать паркында «Осталар шәһәре-2025» республика авыл хуҗалыгы продукциясе һәм техник иҗат әйберләре ярминкә-күргәзмәсе ачылды. Чарада Татарстан Республикасы Премьер-министры урынбасары Ләйлә Фазлыева, Татарстан Республикасы Премьер-министры урынбасары - авыл хуҗалыгы һәм азык-төлек министры Марат Җәббаров һәм Татарстан Республикасы Мәгариф һәм фән министры Илсур Һадиуллин катнаштылар. Анда Татарстанның 43 районы һәм 300 мәгариф оешмасы үз эшләнмәләрен һәм продукциясен тәкъдим итте.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - авыл хуҗалыгы һәм азык-төлек министры Марат Җәббаров рәислегендә Татарстан Республикасы агросәнәгать комплексы мәсьәләләре буенча видеоконференцэлемтә режимында киңәшмә узды. Анда министр урынбасарлары, муниципаль районнар башлыклары, авыл хуҗалыгы һәм азык-төлек идарәсе башлыклары, Министрлыкның бүлек башлыклары һәм эре инвесторлар катнашты.
Татарстан Республикасы Авыл хуҗалыгы һәм азык-төлек министрлыгы авыл хуҗалыгы кулланучылар кооперативларына мини-сөт парклары территориясендә сөт юнәлешендә мөгезле эре терлекләр тоту өчен фермалар төзүгә бәйле чыгымнар өлешен каплауга субсидияләр бирү өчен гаризалар кабул итү турында игълан итә.
27 сентябрьдә иртәнге 7:00 сәгатьтә «Казан» агросәнәгать паркында «Осталар шәһәре - 2025» республика авыл хуҗалыгы продукциясе һәм техник иҗат эшләнмәләре ярминкә-күргәзмәсе ачыла. Үз продукциясен республиканың 43 муниципаль районы һәм 300 мәгариф оешмасы алып килә.
Бүген Татарстан Республикасы Авыл хуҗалыгы һәм азык-төлек министрлыгында Экология, табигатьтән файдалану, агросәнәгать һәм азык-төлек сәясәте комитетының һәм Комитет каршындагы Эксперт советының күчмә уртак утырышы булды. Аннда парламентарийлар Татарстанда авыл хуҗалыгы җирләреннән файдалану өлкәсендә хокук куллану практикасы мәсьәләләре буенча фикер алыштылар. Моннан тыш, комитет утырышында республиканың Экология кодексына һәм җир асты байлыкларыннан файдалану өлкәсендәге аерым мәсьәләләрне җайга салу турындагы республика законына үзгәрешләр кертү турындагы закон проекты каралды. Утырышны Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев үткәрде.
Бүген Спорт сарае фойесында халык куллану товарларының айлык күргәзмә-ярминкәсен – «Изобилие» (”Муллык”) Татарстан сәүдә фестивален ачу тантанасы узды. Ярминкә ай саен бишәр көн эшләячәк, ул катнашучыларга һәм килүчеләргә хезмәттәшлек итү һәм сатып алулар өчен киң мөмкинлекләр бирәчәк. Чарада Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов катнашты.