ЯҢАЛЫКЛАР
9 августка алынган оператив хәбәрләр буенча Татарстан Республикасында 1654 мең тонна терлек азыгы әзерләнгән, бер баш терлеккә уртача 26,8 центнер азык берәмлеге туры килә.
8 августка бирелгән оператив хәбәрләр буенча республикада урак башланганнан бирле 1566,7 мең тонна ашлык җыелган, шуның 510,1 мең тоннасы – уҗым арышы, 605,3 мең тоннасы – уҗым бодае, 342,3 мең тоннасы – арпа, 58,2 мең тоннасы – борчак.
Хәзерге көнгә республикада 1 миллион тонна ашлык суктырылган. Уртача уңыш гектарыннан 31,3 центнер тәшкил итә.
Элегрәк урып-җыю чоры авылда беркемне дә битараф калдырмагандыр. Кырдагы эшләрне вакытында башкарып чыгу өчен кем ничек булдыра ала – шулай тырыша иде. Кем әйтмешли, әбидән – бәбигә, малай-шалайлардан – бабайларга чаклы кайсы кырда, кайсы ындыр табагында булды.
2 августка тапшырылган оператив хәбәрләр буенча Татарстанда үткән көннәрдә 3524 тонна сөт җитештерелгән.
1 августта “Авылның сәләтле 100 баласы – 2011” социаль акциясендә катнашу өчен гаризалар кабул ителә башлады. Акциянең төп максаты – авыл җирлегендә яшәүче сәләтле балаларга һәм аларның укытучыларына ярдәм итү. Чара Татарстан Авыл хуҗалыгы һәм азык-төлек министрлыгы, Татарстан Мәгариф һәм фән министрлыгы һәм MasterCard халыкара түләү системасы ярдәмендә “Татфондбанк” тарафыннан үткәрелә.
1 августка бирелгән оператив белешмәләр буенча республикада бүгенгә барлыгы 178 мең гектар мәйданнан бөртекле һәм кузаклы культуралар җыеп алынган. Урып-җыюда Әлки, Сарман, Алексеевски, Норлат районы игенчеләре әйдәп бара.
31 июльдә Татарстан Президенты Рөстәм Миңнеханов эш сәфәре белән Питрәч һәм Теләче районнарына барды. Республика башлыгын ТР Премьер-министр урынбасары – ТР авыл хуҗалыгы һәм азык-төлек министры Марат Әхмәтов озатып йөрде.
Бүген Татарстан Президенты Рөстәм Миңнеханов һәм ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов Кайбыч һәм Апас районнарында урып-җыю кампаниясе, терлек азыгы әзерләүнең барышы танышты.
31 июльдән 6 августка кадәр Ульян өлкәсенең “Рус дөньясы” ял базасы территориясендә “Бүгенге заман шартларында авыл территорияләренең тотрыклы үсеше” дигән исем астында I Халыкара авыл яшьләре форумы узачак.