ЯҢАЛЫКЛАР
Бүген «АГРОВОЛГА 2022» халыкара агросәнәгать күргәзмәсе кысаларында Татарстан сөт җитештерүчеләр берлеге идарәсенең киңәйтелгән утырышы узды. Анда Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров, министр урынбасары Ленар Гарипов, Илкүләм сөт җитештерүчеләр берлеге генераль директоры Артем Белов, шулай ук Татарстан сөт җитештерүчеләр берлеге генераль директоры Денис Пирогов катнашты.
Бүген “Казан Экспо” күргәзмә үзәгендә «Агроволга-2022» халыкара агросәнәгать күргәзмәсе ачылды. Быел анда Россиянең 42 төбәгеннән, шулай ук Төркиядән, Белоруссиядән, Көньяк Кореядан, Австралиядән һәм Нидерландтан 415 компания катнаша.
6-8 июльдә бөтен Россиядән аграрийлар агросәнәгать комплексының соңгы казанышлары белән танышу, шулай ук эшлекле чаралар кысаларында тармак үсешенең актуаль мәсьәләләре буенча фикер алышу өчен АГРОВОЛГА күргәзмәсендә очрашалар. 2022 елда эшлекле программа яңартылган форматта узачак һәм күргәзмә экспозициясенә һәм атмосферасына максималь рәвештә интеграцияләнәчәк, шулай ук практик мастер-класслар һәм демонстрацион күрсәтүләр булачак.
Казан чәк-чәге - «Россия тәмнәре - 2021» төбәк азык-төлек продуктлары брендларының илкүләм конкурсы җиңүчесе - Мәскәүгә фестивальгә бара! 14 июльдән 17 июльгә кадәр башкалада Россия Федерациясе Авыл хуҗалыгы министрлыгы тарафыннан Мәскәү Хөкүмәте ярдәмендә оештырылган «Россия тәмнәре» гастрономия фестивале узачак. Ул азык-төлек продуктларының төбәк брендларын алга этәрү буенча масштаблы программаның чираттагы этабы булачак, аны Министрлык Россия Президенты кушуы буенча 2020 елдан бирле үткәрә.
7 июльдә Татарстанда АГРОВОЛГА - 2022 күргәзмәсендә Идел буе федераль округының Соя берлеге соя игү буенча ике сәгатьлек конференция уздырачак. Практик-белгечләр тәҗрибәле һәм яңа эш башлаучы соечыларны кызыксындырган сорауларга җаваплар бирәчәкләр: «Гектардан 40 центнер уңыш ничек алырга, ә сугарылмый торган җирләрдә гектардан 25 центнердан да ким булмаган уңышны ничек алырга?», «Яхшы сортны ничек сайларга?» «Чәчүлекләрне ничек сакларга һәм химиядә ничек акчаны артык сарыф итмәскә?» «Соев технологияләрен ничек тиз үзләштерергә?», «Уңышны ничек отышлы сатарга?», «Һәр эш башлаучы нинди хаталар ясый, һәм аларны ничек ясамый калырга?».
2022 елның 7 июлендә «Авыл хуҗалыгы өлкәсендә цифрлы технологияләр» темасына түгәрәк өстәл узачак. Оештыручысы – “Республика мәгълүмат-исәпләү үзәге” АҖ.
2022 елның 8 июлендә Россиядә беренче тапкыр «Татарстан Республикасының иң яхшы ветеринар-ортопеды (тоякчысы)» төбәк һөнәри осталык конкурсы узачак. Ярыш Татарстан Республикасы Авыл хуҗалыгы һәм азык-төлек министрлыгы, Татарстан Республикасы Министрлар Кабинетының Баш ветеринария идарәсе, «РАЦИН» АҖ һәм «Тимофеев+» ҖЧҖ компанияләре белән берлектә оештырыла.
28 июньдә коммерциягә карамаган бакчачылык һәм яшелчәчелек ширкәтләренә субсидияләр бирү өчен документлар кабул итүнең беренче туры тәмамланды. Заявкалар буенча гомуми сумма 140,3 млн. сум тәшкил итә. 2022 елга барлыгы 237 млн. сум бүлеп бирелә. Сайлап алу агымдагы елның 12 июлендә тәмамлана.
Татарстан Республикасында авыл хуҗалыгы товарлары җитештерүчеләргә автоматлаштыру буенча ярдәм итү программасы старт алды. Программа кысаларында авыл хуҗалыгы товарлары җитештерүчеләр предприятиене комплекслы автоматлаштыру өчен 50% финанслашу белән җайланмалар сатып алырга һәм программаны гамәлгә ашырырга мөмкин. Программа «РИВЦ» АҖнең бердәм интеграторы җитәкчелегендә гамәлгә ашырыла.
Бүген Түбән Кама районында “Кармалы” ҖЧҖ базасында «Татарстан Республикасы хуҗалыкларында сарыкчылык һәм тармакны табышлы итү юллары» темасына семинар узды. Әлеге чарада Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров, министр урынбасары Ленар Гарипов, Рестораторлар һәм Отельерлар Федерациясенең Татарстан Республикасындагы вәкиллеге башлыгы Нурислам Шәрифуллин, терлекчелек җайланмалары белән тәэмин итүчеләр, шулай ук сарыкчылык хуҗалыкларының җитәкчеләре һәм белгечләре катнашты.