ЯҢАЛЫКЛАР
Татарстан Республикасы Рәисе Рөстәм Миңнеханов Россия авыл хуҗалыгы министры Оксана Лут белән очрашты. Россия Федерациясе Авыл хуҗалыгы министрлыгы башлыгы республикага эш сәфәре белән килде. Очрашу «Казан Экспо» мәйданчыгында узды. Чарада шулай ук Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров катнашты.
Бүген «РОСТКИ: Россия һәм Кытай – үзара файдалы хезмәттәшлек» III халыкара форумы кысаларында Татарстан Республикасы Премьер-министр урынбасары - Татарстан Республикасы авыл хуҗалыгы һәм азык-төлек министры Марат Җәббаров, PUE (SHANGHAI) INNOVATION INCUBATOR MANAGEMENT CO., LTD директоры Су Цзинь һәм «КММК» консорциумы президенты Юрий Федоров хезмәттәшлек турында меморандумны имзаладылар.
Бүген «РОСТКИ: Россия һәм Кытай – үзара файдалы хезмәттәшлек» халыкара форумы кысаларында «Авыл хуҗалыгы өлкәсендә партнерлык: Россия - Кытай перспективалары» сессиясе узды. Чара Россия АПК продукциясен Кытайга экспортлауны үстерү перспективалары һәм Россия экспортерлары арасында тәҗрибә уртаклашу мәйданчыгына әверелде. Анда ТР Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров, Россия Федерациясе Авыл хуҗалыгы министрлыгының Балык хуҗалыгы һәм аквакультура өлкәсендә җайга салу департаменты директоры урынбасары Залина Айба, Россиядә КХР Илчелеге киңәшчесе Юн Фэн, Россия Федерациясе Авыл хуҗалыгы министрлыгының Кытай Халык Республикасындагы вәкиле Дмитрий Клишин, Россия товарлары сәүдә үзәге генераль директоры Юнцзян Ли, Тышкы икътисадый эшчәнлек юнәлеше һәм Илкүләм кошчылар берлеге сертификациясе җитәкчесе Дарья Подымова, чит ил аграр сәнәгатен үстерү буенча Кытай берлеге эксперты Вэй Ли катнаштылар.
Казанда «РОСТКИ: Россия һәм Кытай – үзара файдалы хезмәттәшлек» III халыкара форумы дәвам итә. Форум кысаларында Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров рәислегендә China Kaili Group дәүләт инвестиция компаниясе вице-президенты ОУ Гуйчен җитәкчелегендәге Кытай Халык Республикасы делегациясе белән очрашу узды.
Бүген Казанда «РОСТКИ: Россия һәм Кытай – үзара файдалы хезмәттәшлек» III халыкара форумы ачылды. Шул ук вакытта Россия һәм Кытай продукциясе күргәзмәсе - Russia China Expo эшли башлады. Тантаналы ачылышта Татарстан Рәисе Рөстәм Миңнеханов, Чувашия Республикасы Башлыгы Олег Николаев, Оренбург өлкәсе губернаторы вазыйфаларын вакытлыча башкаручы Евгений Солнцев, Кытайның Казандагы Генераль консулы Сян Бо, Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров һәм башка рәсми затлар катнашты.
Лениногорск муниципаль районы Югары Каран авылының «Алмакай» ат йортында «Татар аты» II бөтенроссия фестивале узды, анда Казахстан, Дагыстан, Башкортстан республикаларыннан ат үрчетүчеләр һәм кунаклар җыелган иде. Чара «Гаилә кыйммәтләрен саклау һәм мәдәният инфраструктурасы» федераль проектының «Гаилә» илкүләм проекты буенча гамәлгә ашырыла. Анда Татарстан Республикасы Атчылык һәм ат спорты федерациясенең атчылык бүлеге җитәкчесе Айрат Хәбибуллин һәм башка рәсми затлар катнашты.
Бүген Татарстан Рәисе Рөстәм Миңнеханов Баулы районында булды. Аның белән бергә Татарстан Республикасы вице-премьеры – авыл хуҗалыгы һәм азык-төлек министры Марат Җәббаров йөрде.
Бүген Татарстан Республикасы Авыл хуҗалыгы һәм азык-төлек министрлыгында терлекчелек буенча агымдагы елның 7 аена йомгаклар ясадылар, киңәшмә министр урынбасары Гөлүс Баязитов рәислегендә узды. Анда муниципаль районнардагы авыл хуҗалыгы һәм азык-төлек идарәләренең терлекчелек буенча консультантлары, селекция-нәсел хезмәтләре башлыклары һәм башка җаваплы затлар катнашты.
Бүген Татарстан Республикасы авыл хуҗалыгы һәм азык-төлек министры Марат Җәббаров ВДНХда «Россия тәмнәре» IV илкүләм гастрономия фестивале мәйданчыгында булды, анда Татарстан җитештерүчеләре экспозициясе белән танышты. 14 августтан башлап 24 августка кадәр дәвам итәчәк Фестиваль Россия төбәкләренең гастрономик күптөрлелеген ачык күрсәтә.
Бүген Татарстан Рәисе Рөстәм Миңнеханов эшлекле сәфәр белән Балык Бистәсе районында булды. Аның белән бергә Татарстан Республикасы авыл хуҗалыгы һәм азык-төлек министры урынбасары Рафаэль Фәттахов йөрде.