ЯҢАЛЫКЛАР
Бу ялларда Татарстан Республикасы Авыл хуҗалыгы һәм азык-төлек министрлыгының Һөнәр берлеге комитеты ведомство Аппараты хезмәткәрләре өчен Алабуга муниципаль районына сәфәр оештырды. Сәфәр барышында алар «Мир» ҖЧҖнең терлекчелек комплексында, «Аммоний Агроехнологии» ҖЧҖендә, И.И. Шишкин һәм Н.А. Дурова исемендәге музейларда булдылар. Аннары шәһәр буйлап экскурсия булды.
Татарстан Республикасы Авыл хуҗалыгы һәм азык-төлек министрлыгы «Кече һәм урта эшкуарлык» илкүләм проектының «Кече һәм урта эшкуарлык субъектлары акселерациясе» федераль проекты кысаларында гамәлгә ашырыла торган «Агростартап» проекты буенча грант бирүгә гаризалар кабул алуның дәвам итүе турында хәбәр итә.
Хәйретдинов Марс Марсель улы Татарстан Республикасының Чүпрәле районы Мочәли авылында туып үскән. Казан инновация университетында кунакханә эше юнәлеше буенча белем алган. Язмыш җилләре аның тормышын авыл хуҗалыгына бәйли, чөнки аның гаиләсе, аерым алганда, әтисе, бөтен гомерен нәкъ менә шушы эшкә багышлаган.
22 - 23 августта Казанда «Русское поле – 2024» I Бөтенроссия селекционерлар һәм орлыкчылар форумы узачак. Аның төп вакыйгасы буларак, Россия Федерациясе авыл хуҗалыгы министры Оксана Лут рәислегендә пленар утырыш узачак.
Бүген IT-паркта В.В.Докучаев ис.туфракны өйрәнүчеләр җәмгыятенең IX Бөтенроссия съездын ачу тантанасы узды. Анда Татарстан Республикасы Премьер-министры урынбасары - авыл хуҗалыгы һәм азык-төлек министры Марат Җәббаров, министр урынбасары Дмитрий Яшин, Россия Фәннәр Академиясе һәм Казан федераль университеты вәкилләре катнашты.
Татарстан Республикасында «Россиянең иң яхшы 100 товары» Бөтенроссия программасы кысаларында «Татарстан Республикасының иң яхшы товарлары һәм хезмәтләре» конкурсы тәмамланды. Конкурс республика предприятиеләренең казанышларын күрсәтү һәм оешмалар җитештерә торган продукциянең сыйфатын яхшыртып тору өчен иң уңышлы проектларның берсе булып тора.
Россиянең иң зур сөт холдингы «ЭкоНива» дәүләт корпорациясе Татарстан Республикасы Бөгелмә муниципаль районында Наратлы авылы янында урнашкан «Наратлы» терлекчелек комплексын файдалануга тапшырды. Проектка 4,5 млрд сум чамасы инвестицияләр кертелгән, финанс партнеры булып Россельхозбанк эш иткән.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - авыл хуҗалыгы һәм азык-төлек министры Марат Җәббаров рәислегендә Татарстан Республикасының агросәнәгать комплексы мәсьәләләре буенча видеоконференция режимында киңәшмә узды. Анда Министр урынбасарлары, муниципаль районнар башлыклары, авыл хуҗалыгы һәм азык-төлек идарәләре башлыклары, бүлек башлыклары һәм эре инвесторлар катнашты.
Татарстан Республикасының 43 районында бөртекле культуралар җыялар, бүгенге көнгә 1 млн. тонна ашлык суктырылган, уртача уңдырышлылык - гектардан 31,7 центнер. Узган көнне Татарстан Республикасы буенча 114 мең тоннадан артык авыл хуҗалыгы культуралары суктырылган.
Табигать чытыклыкларына карамастан, Актаныш районында урып-җыю эшләре бар куәткә бара. «АлмазАгроТрейд» холдингының «Чәчер» хуҗалыгында тәҗрибәле игенчеләр эшли.