ЯҢАЛЫКЛАР

Август аенда ярымкаты сырлар чыгару линиясе сынау узды, ә 14 сентябрьдә холдинг составына керүче «Агросила-Молоко» ҖЧҖ беренче кайнатманы әзерләде. Технологияне ныкоап  торып эшләтеп җибәрү өчен белгечләргә бер ай вакыт кирәк булачак, сырларның өлгерү срогы 45 тәүлек тәшкил итә. Линия сәнәгать җитештерүенә чыкканнан соң,   тәүлеккә  10 тоннага кадәр продукция әзерләнәчәк.

Бүген “Татар-информ” мәгълүмат агентлыгында АПКны цифрлы трансформацияләү стратегиясенә багышланган матбугат конференциясе узды. Анда Татарстан Республикасы авыл хуҗалыгы һәм азык-төлек министрының беренче урынбасары Наил Залаков, «РИВЦ» АҖ генераль директоры Нияз Хәлиуллин катнашты.

Татарстан  Республикасында «Август-Агро» идарәчел компаниясе хуҗалыкларында төгәл игенчелек өлкәсендә чәчү сыйфатын күзәтеп барырга  мөмкинлек  бирә торган Россия цифрлы эшләнмәсе - чәчүне контрольдә тоту буенча  универсаль система (УСКВ) уңышлы  сынау  узды  һәм гамәлгә кертелә. УСКВның датчиклары беренче  мәртәбә быелгы язгы  чәчү  алдыннан «Август-Лениногорск» агрофирмасында Bourgault чәчү комплексында кулланылды. Практикадан  күренгәнчә, кимчелекләр бик  аз булды.   «Август-Агро» белгечләре бәяләвенчә, чәчү кампаниясе этабында ук булачак уңышның 2-3%ын   саклап калырга мөмкин. Нәтиҗәдә, бу көздә көзге чәчүлекләрдә  датчиклар 15 чәчү комплексында урнаштырыла, ә язгы чәчүгә «Август-Агро» хуҗалыкларында Bourgaultның барлык 44 агрегатында  да  урнаштыру  планлаштырыла.

Татарстанда 27 - 30 сентябрьдә Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов рәислегендә авыл  хуҗалыгы техникасын 2023 ел  сезонына  әзерләү һәм яңарту мәсьәләләре буенча зона семинарлары башлана. Алар республиканың 4 районында: Тәтеш, Балык Бистәсе, Сарман һәм Кукмара районнарында узачак. Аларда авыл хуҗалыгы һәм азык-төлек идарәләре башлыклары, муниципаль берәмлекләрнең механикалаштыру буенча  консультантлары, авыл хуҗалыгы оешмалары җитәкчеләре, баш инженерлары һәм агрономнары, дилерлар һәм тәэмин итүчеләр катнашачак.

Татарстан Республикасы Президенты Рөстәм Миңнеханов һәм Саха (Якутия) Республикасы башлыгы Айсен Николаев Арча муниципаль районында «Ат көне» ат спорты фестивалендә булдылар.

Шимбә көнне Казанның  14 мәйданчыгында һәм республиканың  барлык  эре шәһәрләрендә гадәттәгечә иртәнге сәгать 6да авыл  хуҗалыгы  ярминкәләре  ачылды.  Сатып  алучылар  өчен күп төрле  продукция китерелгән иде:   бәрәңге, суган, кишер, шикәр комы, ашлык, үлчәүле  сөт, ит, казылык әйберләре,  сырлар, бал һәм башка төр продукция.

Бүген Татарстан Республикасы Президенты Рөстәм Миңнеханов Казан дәүләт аграр университетының 100 еллыгына багышланган тантаналы чараларда катнаша.

14 сентябрьдә «РИВЦ» АҖ генераль директоры Нияз Хәлиуллин Россия Федерациясе Федераль Собраниесе Федерация Советы каршындагы Цифрлы икътисадны үстерү советының «Авыл хуҗалыгын цифрлы трансформацияләү» темасы буенча утырышын әзерләү буенча семинар-киңәшмәдә катнашты.

Ростсельмаш генераль директоры Валерий Мальцев һәм «Росагролизинг» АҖ генераль директоры Павел Косов хезмәттәшлек турында килешү төзеделәр.

Бу шимбәдә,  ягъни 17 сентябрьдә Арча муниципаль районында «Ат Көне» - традицион ат спорты бәйрәме узачак. Чара 2015 елдан башлап Татарстан Республикасы Авыл хуҗалыгы һәм азык-төлек министрлыгы, Татарстан Республикасы Ат үрчетү һәм ат спорты федерациясе, "Татмелиорация" траст компаниясе" ААҖ һәм Татарстан Республикасы Министрлар Кабинетының Баш ветеринария идарәсе белән берлектә уздырыла.