2022 елда Россельхозбанк фермерларга ташламалы кредит бирүне чирек күләмгә арттырды

2023 елның 15 феврале, чәршәмбе

Мәскәүдә Россия крестьян (фермер) хуҗалыклары һәм авыл хуҗалыгы кооперативлары ассоциациясенең (АККОР) XXXIV съезды узды. Аның эшендә илнең 70 төбәгеннән делегатлар, шул исәптән Татарстан Республикасы делегациясе дә катнашты. Аның составында Татарстан Республикасы Авыл хуҗалыгы һәм азык-төлек министрлыгы, Россельхозбанкның Татарстан төбәк филиалы вәкилләре, Татарстан Республикасы Фермерлар, крестьян хуҗалыклары һәм авыл хуҗалыгы кулланучылар кооперативлары ассоциациясе вәкилләре һәм әгъзалары, фермер хуҗалыклары башлыклары бар  иде.  

     Игътибар үзәгендә ил икътисадын үстерүдә фермерлыкның ролен арттыру, азык-төлек белән тәэмин итү һәм авыл территорияләрен  комплекслы үстерү буенча стратегик бурычларны үтәү мәсьәләләре булды.

    Россельхозбанк идарәсе рәисе Борис Листов үз чыгышында, узган ел йомгаклары буенча фермер хуҗалыкларының авыл хуҗалыгы продукциясен җитештерү күләме 20%ка артты, дип ассызыклады. Кайбер төбәкләрдә – мәсәлән, Татарстанда һәм Башкортстанда – фермерлар агросәнәгать комплексы продукциясенең яртысыннан артыгын җитештерә. Үсемлекчелек һәм терлекчелек тармаклары табышлылык буенча алдынгылар рәтендә бара. 

     “2022 елда банк фермерларга кредит бирү күләмнәрен арттырды. Ташламалы программалар буенча гына да 78 млрд сум бирелде, бу 2021 ел күрсәткечләреннән чирек күләмгә күбрәк. Шуның 50 миллиардын фермерлар сезонлы эшләргә алды.  Бу банк өчен төп һәм өстенлекле юнәлешләрнең берсе. Былтыр кече хуҗалыкларга ярдәмгә 108,5 млрд.сумнан артык акча җибәрелде, бу алдагы ел белән чагыштырганда 7%ка күбрәк. Заемчы фермерлар саны меңгә артты”, - дигән мәгълүмат бирде Борис Листов.

     АККОР мәйданчыгында  конструктив һәм ышанычлы сөйләшү нәтиҗәсендә Россельхозбанк азык-төлек чишелешләрен клиентлар ихтыяҗына  карап  яраклаштыра. 
      Банк кече хуҗалыклар өчен кредит бирү процедурасын гадиләштерде, хәзер заемчы нибары өч документ (анкета, паспорт, салым декларациясе) буенча гына кредит алырга мөмкин. Ә әйләнеш ихтыяҗлары өчен экспресс-кредитны -  5 млн сумга кадәр - бер көндә алырга мөмкин.

     Хуҗалыкларга ярдәм йөзеннән  Свое цифрлы экосистемасы төзелде - фермерларның бизнес нәтиҗәлелеген күтәрү, конкуренциягә сәләтлелекне үстерү һәм аларның продукциясен сату өчен технологик инструментлар һәм сервислар җыелмасы ул. Агросәнәгать комплексында  яшәргә һәм эшләргә теләүчеләр өчен Россельхозбанкның «Фермер мәктәбе» белем бирү проекты эшли. Татарстанда проектның 3 курс нәтиҗәләре буенча 100дән артык кеше үз белемнәрен  арттырган.  

     Фермерлар өчен продуктларны үстерүдә  актив катнашканнары өчен Татарстан аграрийлары Съезд кысаларында Россельхозбанк сертификатлары белән бүләкләнде.