ЯҢАЛЫКЛАР
Зеленодольск сөт эшкәртү комбинаты балалар өчен эремчек линиясен яңа ике тәм белән киңәйтте, болар - кура җиләге һәм ананас. Эремчек составына нормальләштерелгән сөт, әчетелгән сөт микроорганизмнары оеткысы һәм туңдырылган җиләк-җимеш кисәкләре керә.
Татарстан аграр югары уку йортларының 12 студенты Россельхозбанкның стипендия программасына керделәр. Исемле стипендия сертификатларына Казан дәүләт аграр университетының 5 иң яхшы студенты һәм аспиранты, Н.Э. Бауман ис. Казан дәүләт ветеринария медицинасы академиясенең 5 иң яхшы студенты һәм аспиранты ия булдылар.
Агрокөч 19 ноябрьдә шикәр чөгендере уңышын җыюны төгәлләде. Аны җыюда махсус чөгендер җыю комбайннары, төягечләр, чөгендер сабакларын кисү һәм аны чистарту өчен билгеләнгән дефолиаторлар, шулай ук җыйган чөгендерне ташу өчен машиналар эшләде.
19 ноябрьдә Татарстан Республикасы Хөкүмәте Йортында узган гадәттәге киңәшмәдә Татарстан Республикасы авыл хуҗалыгы һәм азык-төлек министрының беренче урынбасары Наил Залаков кыр эшләренең барышы турында хисап тотты.
10 сентябрьдән республикада гадәттәге авыл хуҗалыгы ярминкәләре башланды. Алар Казан шәһәренең 14 мәйданчыгында, Чаллыда һәм Зеленодольск районының 2 мәйданчыгында, Түбән Кама шәһәренең 3 мәйданчыгында, шулай ук Татарстанның 26 муниципаль районында төрле даимилектә уза.
Бүген Татарстан Республикасы Авыл хуҗалыгы һәм азык-төлек министрлыгында Венгриянең Казандагы консуллыгының Генераль консулы Сергей Сюч булды. Очрашуда Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров, министрның беренче урынбасары Наил Залаков, «Хәләл» продукциясен экспортлау проекты җитәкчесе, Татарстан Республикасы Авыл хуҗалыгы һәм азык-төлек министрлыгының Татарстан Республикасы инвестиция проектлары җитәкчесе Рөстәм Гайнуллов катнашты.
Татарстан Республикасы Авыл хуҗалыгы һәм азык-төлек министрлыгының АПКның дәүләт мәгълүмат системасы сайтындагы яңа материал Татарстан Республикасы буенча терлекчелек алдынгылары турында сөйләячәк.
Татарстан Республикасы Авыл хуҗалыгы һәм азык-төлек министрлыгы сөтчелек юнәлешендәге мини-фермалар төзүгә тотылган чыгымнар өлешен каплау өчен шәхси ярдәмче хуҗалык алып баручы гражданнардан 2022 елның 21 ноябреннән 30 ноябренә кадәр гаризалар сайлап алуны игълан итә.
Бүгенге көнгә «Азнакай» сөт-товар комплексында төзелеш-монтаж эшләре тулысынча тәмамланган. Сөтчелек комплексының икенче чираты 2000 баш сыер белән тулыландырылган. Шулай итеп, комплексның тулылыгы 100% тәшкил итә. Комплекста сыерлар саны 4000 баштан артып китә, таналар — 300 баш. Хәзер терлекләрне диспансеризацияләү буенча эш алып барыла, аларның «Карусель» тибындагы ротор саву системасына яраклылыгы билгеләнә. Бу эш ел ахырына төгәлләнәчәк.
Россельхозбанктан «Россия агролидерлары» конкурсының иң яхшы проектлары өчен онлайн тавыш бирү башланды. Казан дәүләт аграр университетыннан һәм Н.Э.Бауман ис. Казан дәүләт ветеринария медицинасы академиясеннән 15 студент үзләренең инновацион идеяләрен тәкъдим иттеләр.