ЯҢАЛЫКЛАР

Республикада бүгенге көнгә 125 мең 490 га мәйданда күпьеллык үлән чаптырылган, 384 мең 285 тонна сенаж һәм 25 мең 691 тонна печән әзерләнгән.
 

«Россия авыл  хуҗалыгы  үзәге»нең Татарстан филиалы белгечләре кырларның гомуми торышын билгеләү максатларында  бер атна эчендә 9,3 мең гектар мәйданда  көзге культуралар чәчүлекләрен сайлап тикшергәннәр. 

Бүген Министрлыкта бал кортларының һәлак  булуын  булдырмау  буенча    республикада күрелә торган чараларга  багышланган  киңәшмә узды. Анда нәсел эше һәм хайваннар үрчетү башлыгы Гелүс Баязитов, Татарстан  Республикасы  Дәүләт Советы депутаты Таһир Һадиев, умартачылык бүлегенең әйдәүче киңәшчесе Алмаз Гамиров, контроль-күзәтчелек органнары һәм умартачыларның иҗтимагый оешмасы вәкилләре катнашты.
 

Июнь башында Түбән Новгородта цифрлы икътисадның төп вакыйгасы – “Сәнәгати  Россиянең цифрлы индустриясе” конференциясе узды. Бу ел саен үткәрелә торган зур чара, ул бер мәйданчыкта бизнес, хакимият һәм җәмгыятьнең әйдәүче вәкилләрен бергә җыя. Быелгы  елның  төп темасы - Россия сәнәгатенең цифрлы бәйсезлеге һәм үз илебезнең технологияләрен популярлаштыру.
 

«Агросила» холдингында предприятиеләрнең күмәк шартнамәләрен карау буенча очрашулар узды. «Чаллы-Бройлер» берләштерелгән башлангыч һөнәр  берлеге оешмасы эшли торган  кошчылык предприятиеләренең күмәк шартнамәсен карау буенча комиссия утырышы «Агросила - Коммерция» предприятиесе базасында узды. Фикер алышу  «Агросила» АҖ генераль директоры Светлана Барсукова, «Чаллы-Бройлер» берләштерелгән башлангыч һөнәр  берлеге оешмасы (ОППО) рәисе Алсу Гайнетдинова катнашында узды. Комиссия составына дүрт предприятие җитәкчесе  һәм белгечләре керде, болар: «Чаллы-Бройлер», “Агросила”. “Чаллы-МПК”, «Тукай токым репродукторы», "Чаллы инкубаторы".
 

10 июньдә Буа муниципаль районында милли Сабантуй бәйрәме узачак. Быел ул беренче тапкыр төрле  милләтләр традициясендә  узачак. Бәйрәм кунаклары төрле милләтләрнең утарларын  күрә һәм төрле мастер-классларда катнаша алачак. 
 

Агрокөч бөртекле  культуралар кабул итү, саклау, киптерү һәм эшкәртү белән шөгыльләнүче «Актаныш икмәк  кабул  итү пункты (ХПП)» ААҖенә инвестицияләр кертү программасын гамәлгә ашыруны дәвам итә. 2021 елда ашлык төяп җибәрү причалын реконструкцияләү нәтиҗәсендә, аңа 10 млн сум акча кертелгән, предприятие ашлык җибәрү буенча куәтен  ике тапкыр арттырган – 1000 тоннадан 2000 тоннага кадәр. Башкарылган эшләрдән соң ашлык 800 тонна сыйдырышлы оператив савытларга салына, аннан соң  чистартыла, киптерелә, кабат чистартыла һәм сепараторга җибәрелә, ә шуннан соң ашлык саклау складына җибәрелә.
 

Татарстан Республикасы Алабуга районының  Гәр авылында 18 мең тонна ашлык сыйдырышлы,   өзлексез циклда  сакчыл  эшли торган ашлык киптерү комплексы ачылды. Чарада Татарстан Республикасы авыл хуҗалыгы министры урынбасары Дмитрий Яшин, Алабуга районы башлыгы Рөстәм Нуриев, «Аммоний» АҖ генераль директоры Дмитрий Макаров, «Аммоний Агротехнологии» ҖЧҖ директоры Александр Мананкин катнашты.

Бүген Бөгелмә районында «Август-Лениногорск» элеватор комплексы төзелешенә беренче таш салу тантанасы узды. Анда Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашты.
 

Агрокөч структурасына керүче “Кама” агрофирмасының орлык заводы Россиянең иң эре фәнни-тикшеренү институтлары белән хезмәттәшлек итә һәм аның үзенең сорт сынау кырлары бар, аларда перспективалы сортларның төрле сортлары  сынала. Орлык заводы «завод – кыр» принцибы буенча эшли. Орлыкларның һәр партиясе «Россия авыл  хуҗалыгы  үзәге»  ФДБУ тарафыннан сертификатлана, ә аннары Агрокөч агрофирмалары кырларына турыдан-туры чәчүгә җибәрелә. Шулай итеп, арадашчылар чылбыры юкка  чыгарыла, бу логистика чыгымнарын шактый киметергә мөмкинлек бирә.