Татарстанда кабат авыл хуҗалыгы ярминкәләре узды
9 сентябрьдән республикада Казан шәһәрендә 14 мәйданчыкта, Чаллыда һәм Зеленодольск районында 2шәр мәйданчыкта, Түбән Кама шәһәрендә 3 мәйданчыкта һәм 26 муниципаль районда төрле даимилектә гадәттәге авыл хуҗалыгы ярминкәләре башланды.
Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров һәм Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов Осиновода, Җиләкле Бистәсендә, Батыршин һәм Ленинград урамнарында авыл хуҗалыгы ярминкәләре эше белән таныштылар.
Мәйданчыкларга продукция Апас, Чүпрәле, Тәтеш районнарыннан һәм «Татагрохимсервис» предприятиеләреннән китерелгән иде.
7 ярминкә йомгаклары буенча 568,2 млн. сумлык авыл хуҗалыгы продукциясе сатылган, шуның 5 656,4 тоннасы яшелчәләр, шул исәптән 3 723,3 тонна бәрәңге, 405,5 тонна үлчәүле сөте, 392,3 тонна шикәр, 548,5 тонна ит, шул исәптән 320,4 тонна сыер ите.
Ярминкәләр уздыруга 35 муниципаль район, 6 712 транспорт берәмлеге җәлеп ителгән.
Ярминкәләрне 2023 елның 23 декабренә кадәр (16 ярминкә көне) уздыру планлаштырылган.