ЯҢАЛЫКЛАР

Буа районының авыл хуҗалыгы белгечләреннән торган комиссия тыгыз графикта  комбайннарның уракка, тракторларның туфрак эшкәртүгә әзерлеген тикшерә башлады.

Республика РФ субъектларының “Мелиорацияне үстерү” программасы исемлегенә кергән.

Минзәлә районында сенаж салу буенча эшләр яхшы оештырылган. Үзләренең махсус механикалаштырылган отрядлары да бар аларның.

Умартачылык буенча идарәдә быел балны яңгырлар яуган территорияләрдә генә булыр дип фаразлыйлар.

Россия Президенты Владимир Путинның 2013 нче елның 26 нчы июнендә раслаган Указы нигезендә ТРның 5 кешесе РФ дәүләт бүләкләре белән бүләкләнгән. Шулар арасында Авыл хуҗалыгы өлкәсендә казанышлары һәм күп еллар дәвамында намуслы хезмәте өчен, “РФ атказанган авыл хуҗалыгы хезмәткәре” исеме белән ТР авыл хуҗалыгы һәм азык-төлек министрының беренче урынбасары Минсәгыйрь Нуретдинов та бүләкләнде.

Бүген Перемь өлкәсенең “Учхоз “Липовая гора” басуында “Идел буе кыр көне-2013” узачак. Чарада ТР Премьер-министр урныбасары – ТР авыл хуҗалыгы һәм азык-төлек министры Марат Әхмәтов җитәкчелегендә Татарстан агросәнәгать комплексы делегациясе дә катнаша. Әлеге чрарада 14 регионнан белгечләр катнашыр дип көтелә.

Спас районында  күпьеллык үләннәр 10972 гектардан артык җыелган, 1524 гектарда табигый мәйданнардагы печән чабып алынган. Барлыгы район буенча 11900 тонна хуш исле печән хәзерләнгән, шуның 7150 тоннадан артыгы хуҗалыклар өлешенә туры килә.

Беречеләр рәтендә - Буа районы. Алар 60753 т сенаж әзерләгән.

Бүген ТР Премьер-министры урынбасары - авыл хуҗалыгы һәм азык-төлек министры Марат Әхмәтов Яшел Үзән районында Олы Яки авылында урнашкан “Җиләкле алан” крестьян-фермерлык хуҗалыгында булды. Марат Әхмәтовны Яшел Үзән муниципаль районы башкарма комитеты җитәкчесе Александр Тыгин һәм “Җиләкле алан” крестьян-фермерлык хуҗалыгының җитәкчесе Илдар Ситдиков озатып йөрде.

Биектау районында июль аеның кызу көннәрендә хуҗалык терлекчеләре һәм фермерлар алдында  савымның кимүенә юл куймау бурычы тора.