ЯҢАЛЫКЛАР
Федераль аграр ведомствода Нәселле терлекчелек өлкәсендә кагыйдәләр проектлары: «Россия Федерациясе ипподромнарында нәселле юртак атларны тикшерү һәм бәяләү методикасы» һәм «Россия Федерациясе ипподромнарында нәселле менге атларны тикшерү һәм бәяләү методикасы» эшләнде. Нормативлар Россия авыл хуҗалыгы фәннәре академиясенең Бөтенроссия фәнни-тикшеренү институты белән берлектә Терлекчелек һәм нәсел эше департаменты белгечләре тарафыннан язылган.
Бүген Татарстан Республикасы Премьер-министры Илдар Халиков Кама Тамагы һәм Тәтеш муниципаль районнарында язгыкыр эшләренең барышы белән танышты. Аның белән бергә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов йөрде. Илдар Халиков язгы чәчү эшләре бара торган кырларны карап чыкты, шулай ук ике районда да авыл хуҗалыгы предприятиеләре җитәкчеләре белән киңәшмә уздырды.
2 майда Татарстан Республикасы Премьер-министры Илдар Халиков Алексеевск һәм Спас муниципаль районнарының авыл хуҗалыгы кырлары өстеннән очып узды. Аның белән бергәТатарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов, Россия Федерациясе Дәүләт Думасы депутаты Айрат Хәйруллин йөрде.
Кырларда язгы кыр эшләренең барышы турында бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов сөйләде.
Бүген Татарстан Республикасы Премьер-министры Илдар Халиков Татарстанның Буа һәм Чүпрәле муниципаль районнарында булып кайтты, анда ул кыр эшләренең барышы белән танышты. Аның белән бергә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов йөрде.
Башта ул Буа районы кырларын очкычта күтәрелеп өстән күзәтеп чыкты, аннары Күшке авылында районның авыл хуҗалыгы предприятиеләре җитәкчеләре белән киңәшмә уздырды.
Агымдагы елның 2 маенда 13.00 сәгатьтә "Казань" халыкара ат спорт комлексында чабышкы һәм йөгерек атлар ярышларының җәйге сезонын ачу тантанасы була.
«Без бергә!» тарафдарлары һәм иҗтимагый оешмалары Форумының икенче этабы кысаларында сишәмбе көнне, 29 апрельдә, «Гражданнар җәмгыяте – безнең киләчәк» дигән темага фикер алышу утырышы булды. Чарада катнашучылар әңгәмә алып бару рәвешендә агросәнәгать комплексы һәм авыл тормышы проблемалары буенча фикер алыштылар.
Түгәрәк өстәл утырышында Татарстан Республикасы авыл хуҗалыгы һәм азык-төлек министрының беренче урынбасары Николай Титов, Татарстан Республикасы Дәүләт Советының Экология, табигатьтән файдалану һәм аграр мәсьәләләр комитеты урынбасары Илсур Сафиуллин һәм башкалар катнашты. Алар белән бергә иң четерекле мәсьәләләр хакындареспубликаның Әтнә, Саба, Балтач һәм башка районнары кешеләре дә фикерләштеләр.
Агымдагы елның 25-30 апрелендә Марий Эл Республикасының Йошкар-Ола шәһәрендә Россия Федерациясе спорт министрлыгы, Россия Хоккей федерациясе тарафыннан, “Россиянең “Уңыш” ирекле спорт җәмгыяте” белән берлектә, авыл спортчылары арасында шайбалы хоккей буенча Бөтенроссия ярышлары уздырылды.
Татарстан Республикасы Авыл хуҗалыгы һәм азык-төлек министрлыгы комиссиясе терлекчелек эшчәнлеге буенча артта калган хуҗалыкларга ярдәм итү максатында фермаларга чыкты.
Татарстан Республикасы Авыл хуҗалыгы һәм азык-төлек министрлыгының 2014 елның 18 апрелендәге 82/2-пр номерлы боерыгы нигезендә агымдагы елның 25 апреленнән Татарстан Республикасы авыл хуҗалыгы һәм азык-төлек министры урынбасары Нәҗип Хаҗипов җитәкчелегендәге комиссия агрофирмаларга практик ярдәм күрсәтү максаты белән Мөслим муниципаль районына чыгып китте.
Агымдагы елның 21 апреленнән республикада «2014 елгы язгы кыр эшләрен башкару чорында хезмәтне саклау һәм җитештерү иминлеге таләпләрен үтәү» айлыгы бара.