ЯҢАЛЫКЛАР

Сезне чын күңелдән авыл хуҗалыгы һәм эшкәртү сәнәгате хезмәткәрләре көне белән котлыйм! Бүген без җирдә эшләүчеләргә, көн саен безне азык-төлек – икмәк, сөт, ит һәм яшелчәләр белән тәэмин итүчеләргә олы рәхмәтебезне җиткерәбез. «Татнефть» компаниясенә аграрийларны ташламалы дизель ягулыгы белән тәэмин итүләре өчен аерым рәхмәт белдерәбез. Аграр секторны алга таба үстерү өчен ярдәм итүче үзебезнең барлык партнерларыбызга да зур рәхмәт.

Бүген яшь комбайнчылар арасында “Хезмәт кешесенә дан” уникенче республика конкурсы җиңүчесе билгеләнде. Конкурсны Татарстан Республикасы Авыл хуҗалыгы һәм азык-төлек министрлыгы һәм «Татарстан» ДТРК оештырдылар.

Кем өчендер көтеп алынган ял көннәре йокы туйдыру мөмкинлеге булса, Татарстан авыл хуҗалыгы һәм азык-төлек министрлыгы җитәкчелеге һәм белгечләре өчен шимбә - аеруча мөһим һәм мәшәкатьле көн. Һәр шимбә көнне зур социаль әһәмияткә ия булган традицион авыл хуҗалыгы ярминкәләре оештырыла. Фермерлар өчен алар – җитештерелгән продукцияне сату мөмкинлеге булса, шәһәр халкы өчен - бер урында һәм арзанрак бәяләрдән иң кирәкле һәм иң сыйфатлы әйберләрне сатып алу мөмкинлеге.

Бүген Татарстан Республикасы Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров “Алтын көз – 2020” 22 нче Россия агросәнәгать күргәзмәсенең эшлекле программасы кысаларында “Җирләрне мелиорацияләү өлкәсендә дәүләт сәясәте өстенлекләре. 2031 елга кадәр тармакны үстерү перспективалары” темасына түгәрәк өстәл узды.

Татарстан Республикасы Авыл хуҗалыгы һәм азык-төлек министрлыгы хәбәр итүенчә, Россиядә «Россия тәмлеләре» азык-төлек продуктларының брендлары төбәк брендларының беренче илкүләм конкурсы старт алды. Аның төп миссиясе - кулланучыларны Россиядәге тәмле ризыкларның күптөрлелеге белән таныштыру һәм төбәк азык-төлек продуктлары брендларын үстерүнең мөмкинлекләрен күрсәтү.

Татарстан Республикасы Авыл хуҗалыгы һәм азык-төлек министрлыгы республика халкын шимбә көнне, 10 октябрьдә, иртәнге сәгать 6дан эшли башлый торган авыл хуҗалыгы ярминкәләренә чакыра, алар, гадәттәгечә, Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексында) уза.

Бүген «Казан Экспо» Халыкара күргәзмә үзәгендә авыл хуҗалыгы һәм эшкәртү сәнәгате хезмәткәрләре көненә багышланган тантаналы чара узды. Чарада Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, министрлыклар һәм ведомстволар вәкилләре, тармак ветераннары, авыл хезмәтчәннәре һәм авыл хуҗалыгы предприятиеләре вәкилләре катнашты.

Бүген Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров армый-талмый авылда, кырларда, фермаларда һәм эшкәртү предприятиеләрендә эшләүчеләрне котлады.

Бүген Казан дәүләт аграр университетының агрономия факультеты базасында «Август» АҖенең үсемлекләрне яклау буенча яңа уку классын ачу тантанасы булды.

Бүген «Казан Экспо» Халыкара күргәзмә үзәгендә Авыл хуҗалыгы һәм эшкәртү сәнәгате хезмәткәрләре көнен бәйрәм итү кысаларында республиканың агросәнәгать комплексы үсешенә үзләреннән зур өлеш кертүчеләргә Татарстан Республикасы дәүләт бүләкләре тапшырылды.