ЯҢАЛЫКЛАР
Коронавирус инфекциясе таралу аркасында барлыкка килгән пандемия кулланучылар ихтыяҗын үзгәртте, нәтиҗәдә, «бәя-сыйфат» тәңгәллеге булган товарларга ихтыяҗ артты. Шул трендка туры китереп, “Агрокөч” АҖ арзан, сыйфатлы һәм тәмле үзенчәлекләрен берләштергән «Просто Вкусно» брендын эшли. 2020 елның ноябрендә шул бренд астында төрле продукция сатуга чыкты.
Якын арада «АПКны цифрлы трансформацияләү» темасына квалификация күтәрү курсы башлана. Проект АПК хуҗалыгы белән идарә итү өчен цифрлы технологияләр ярдәмендә белемнәр алуга һәм күнекмәләр булдыруга юнәлдерелгән.
Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров эш сәфәре белән Чистай районында булды. Биредә ул «Чистай» агрофирмасының авыл хуҗалыгы җирләрендә сугару системасы төзелешенең барышы белән танышты. Аның белән бергә «Чистополье» ХК АҖ генераль директоры Гомәр Закиров, «Татмелиоводхоз» идарәсе» ФДБУ директоры Марс Хисмәтуллин, район Авыл хуҗалыгы идарәсе башлыгы Александр Ромадановский, мелиорация объектын төзүдә катнашучы оешмалар җитәкчеләре йөрде.
Татарстанның 410нан артык гаиләсе быел Россельхозбанкның авыл ипотекасы программасыннан файдаланды. 2022 елда бирелгән кредитларның гомуми суммасы 1 млрд сумнан артып киткән. Банк экспертлары билгеләп үткәнчә, Россельхозбанктан авыл ипотекасы бирү күләме буенча Татарстан лидер-төбәкләр өчлегенә керә.
Республикада 10 сентябрьдән гадәттәге авыл хуҗалыгы ярминкәләре эшли башлады. Алар Казан шәһәренең 14 мәйданчыгында, Чаллыда һәм Зеленодольск районында 2 мәйданчыкта, Түбән Камада 3 мәйданчыкта, тагын 26 муниципаль районда төрле даимилектә уза. Ярминкәләргә продукция республиканың 32 муниципаль районыннан, агрохолдинглардан, предприятиеләрдән, шәхси ярдәмче хуҗалыклардан китерелә.
5 октябрьдән 8 октябрьгә кадәр Мәскәү өлкәсенең «Патриот» конгресс-күргәзмә үзәгендә «Алтын көз» XXIV Бөтенроссия күргәзмәсе - Россиянең иң зур агросәнәгать күргәзмәсе узды, анда төбәкләр һәм авыл хуҗалыгы җитештерүчеләре үзләренең яңалыкларын һәм авыл хуҗалыгындагы казанышларын күрсәттеләр.
Татарстан авыл хуҗалыгы министрлыгы һәм шәхсән үз исемемнән Сезне Авыл хуҗалыгы һәм эшкәртү сәнәгате хезмәткәрләре көне белән чын күңелдән котлыйм!
«Алтын көз – 2022» 24 нче бөтенроссия агросәнәгать күргәзмәсе кысаларында алдынгыларга дәүләт бүләкләре тапшырылды. Бүләк алучылар арасында Кукмара муниципаль районыннан «Рассвет» агрофирмасы» авыл хуҗалыгы җитештерүе кооперативы механизаторы Азат Шакиров та бар. Аңа Россия Федерациясе Хөкүмәтенең Рәхмәт хаты тапшырылды. Бүләкләү механизаторның туган көне белән бер көнгә туры килде.
Зеленодольск сөт эшкәртү комбинаты мәктәпкәчә һәм мәктәп яшендәге балалар өчен яңа продукт - җиләк-җимеш кисәкләре кушылган эремчек әзерләп чыгара башлады. Татарстан кибетләренә яшел алма һәм персик-маракуйя белән тәмле ике төрле эремчек чыгарылды инде.
24 нче «Алтын көз - 2022» Россия агросәнәгать күргәзмәсе кысаларында «Россия төбәкләренең аграр экспорты» панель дискуссиясе узды. Анда Татарстан Республикасы авыл хуҗалыгы һәм азык-төлек министры урынбасары Сергей Левин, төбәкләрнең хакимият һәм бизнес органнары вәкилләре, шул исәптән Татарстан Республикасы Премьер-министры урынбасары - Татарстан Республикасы аыл хуҗалыгы һәм азык-төлек министры Марат Җәббаров катнашты.