ЯҢАЛЫКЛАР
Бүген Татарстан Республикасы Рәисе һәм Татарстан Республикасы Хөкүмәте исеменнән Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров Татарстан кулланучылар оешмалары берлеге җәмгыятьләренең һәм кооперативларының җитәкчеләренә махсуслаштырылган 16 автомобильдән ачкычлар тапшырды.
Республиканың авыл хуҗалыгы җитештерүчеләре квалификацияләрен күтәрүне дәвам итәләр. "АПКда цифрлы трансформация" квалификация күтәрү программасының агымдагы курсында 29 муниципаль районнан 106 предприятиенең хезмәткәрләре укулар узды.
2022 елның 1 сентябреннән «Шәхси белешмәләр турында» 2006 елның 27 июлендәге 152-ФЗ номерлы Федераль законга үзгәрешләр үз көченә керде. Операторлар Элемтә, мәгълүмат технологияләре һәм массакүләм коммуникацияләр өлкәсендә күзәтчелек буенча федераль хезмәткә (алга таба –Роскомнадзор), «Шәхси белешмәләр турында» 2006 елның 27 июлендәге 152-ФЗ номерлы Федераль законның 22 статьясындагы 2 өлешендә каралган очраклардан тыш, ягъни белешмәләр дәүләт иминлеген һәм җәмәгать тәртибен, транспорт иминлеген яклау максатларында эшкәртелгәндә яисә оператор белешмәләрне автоматлаштыру чараларыннан башка гына эшкәрткәндә, шәхси белешмәләрне теләсә нинди юл белән эшкәртә башлау яисә эшкәртү турында хәбәр итәргә тиешләр.
Министрлыкта агросәнәгать комплексының хөрмәтле ветеранын, элек колхоз рәисе булып эшләгән һәм хәзерге вакытта Буа муниципаль районының Исәк авылында фермер эшчәнлеген алып баручы Фәрит Гафиятовны 70 яшьлек юбилее белән котладылар. Әлеге тантаналы чарада авыл хуҗалыгы һәм азык-төлек министрының беренче урынбасары Ленар Гарипов, «Газпром межрегионгаз Казан» генераль директоры Айдар Таһиров һәм Буа якташлыгы президенты Ирек Закиров катнашты.
Бөтенроссия кыр көне кысаларында республикага илнең 50 төбәгеннән 100дән артык делегация килде. Әстерхан өлкәсеннән авыл хуҗалыгы министры Руслан Пашаев рәислегендәге делегация һәм Хакасия Республикасыннан авыл хуҗалыгы һәм азык-төлек министры Сергей Труфанов рәислегендәге делегация Арча районында булдылар.
«Бөтенроссия кыр көне 2023» күргәзмәсендә Россельхозбанк Идарәсе рәисе Борис Листов Россия Федерациясе авыл хуҗалыгы министры Дмитрий Патрушевка һәм Татарстан Республикасы Рәисе Рөстәм Миңнехановка офисның яңа форматын – күп функцияле Эшлекле активлык үзәген күрсәтте. Төбәктә шундый беренче Үзәк якын арада ачылыр, дип планлаштырыла.
Бүгенге көндә Татарстан агросәнәгать комплексы - яхшы үсеш потенциалы белән заманча югары технологияле тармак. Бу хакта бүген Татарстан Республикасы Рәисе Рөстәм Миңнеханов «Санкцияләр басымы шартларында илебез игенчелегенең эшләве» темасына узган пленар утырышта белдерде. Чара «Бөтенроссия кыр көне – 2023» күргәзмәсе кысаларында узды. Утырыш эшендә Россия Федерациясе авыл хуҗалыгы министры Дмитрий Патрушев, Татарстан Республикасы Дәүләт Киңәшчесе Минтимер Шәймиев, федераль ведомстволар, дәүләт компанияләре, тармак берлекләре, фән һәм бизнес вәкилләре катнашты.
Бүген Татарстан Республикасы Рәисе Рөстәм Миңнеханов, Россия Федерациясе авыл хуҗалыгы министры Дмитрий Патрушев һәм Татарстан Республикасы Дәүләт Киңәшчесе Минтимер Шәймиев «Бөтенроссия кыр көне – 2023» күргәзмәсендә булдылар. Бу - илебез агросәнәгать комплексы казанышларының 6 - 9 июльдә «Казан Экспо»да уза торган иң эре күргәзмәсе.
6 июльдә Татарстанның «Республика мәгълүмат-исәпләү үзәге» АҖ («РИВЦ» АҖ) һәм Поле.рф аграр маркетплейсы Татарстан агросәнәгать комплексын цифрлаштыру өлкәсендә стратегик хезмәттәшлек турында килешү төзеделәр.
Татарстан Рәисе Рөстәм Миңнеханов һәм Россия Федерациясе авыл хуҗалыгы министры Дмитрий Патрушев Мамадыш һәм Чистай муниципаль районнарында булдылар. Сәфәрдә алар белән Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров булды.