ЯҢАЛЫКЛАР

Бүген «Татарстанның агробизнес кадрларын яңадан әзерләү институты» (ТИПКА) өстәмә һөнәри белем бирү федераль дәүләт бюджет мәгариф учреждениесе базасында «Умартачылыкны үстерүнең нәтиҗәлелеген арттыру» программасы буенча умартачыларның квалификациясен күтәрү буенча еллык белем бирү процессы ачылды. Анда Татарстан Республикасы Авыл хуҗалыгы һәм азык-төлек министрлыгының умартачылык һәм аквакультура секторы мөдире Динард Гатауллин, «ТИПКА» өстәмә һөнәри белем бирү ФДБМУ профессоры Валентин Шилов, шулай ук Татарстан Республикасы муниципаль районнарыннан умартачылар катнашты.

«Сөт Институты» ҖЧҖ дәүләт, фән һәм бизнес кооперациясен көчәйтүгә, тармакның продуктивлыгын һәм нәтиҗәлелеген арттыруга юнәлдерелгән агротехнологияләрне үстерү, алдынгы технологияләрне һәм агроинновацияләрне җитештерүгә кертү өчен заманча белем бирү форматларында тармак чаралары уздыра.

Бүген Татарстан Республикасы Хөкүмәте Йортында узган киңәшмәдә Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов техниканы язгы кыр эшләренә әзерләү, ашламалар туплау, шулай ук көзге культураларның торышы турында сөйләде.

Язның беренче көннәреннән үк бакчачылар, дача һәм йорт яны бакчалары хуҗалары яңа сезонга әзерләнә башлыйлар. Язын яшелчәләр утырту өчен теплицаларны һәм туфракны дөрес һәм вакытында әзерләү мөһим. Моны ничек һәм кайчан эшләсәң яхшырак була соң, нинди ашламалар кулланырга? Бу хакта “Россия авыл хуҗалыгы үзәге”нең («Россельхозцентр») Татарстан филиалы җитәкчесе урынбасары Гүзәл Хөсәенова сөйләде.

12-14 февральдә «Казан Экспо» халыкара күргәзмә үзәгендә агросәнәгать комплексы казанышларының «Казан Агро» махсуслаштырылган авыл хуҗалыгы күргәзмәсе узды. Быел чара, Казанның авыл хуҗалыгында инновацияләр үзәге буларак ролен ассызыклап, исемен һәм форматын яңартты.

«КНИТУ» югары һөнәри белем бирү ФДБМУ базасында халыкара катнашын яшь галимнәр, аспирантлар һәм студентлар катнашында «Азык-төлек технологияләре һәм биотехнологияләр» бөтенроссия конференциясе узачак.

МТСның цифрлы экосистемасы Республика мәгълүмат-исәпләү үзәге (РИВЦ) АҖ белән берлектә Татарстанда авыл хуҗалыгы предприятиеләре эшенең нәтиҗәлелеген арттыруга юнәлдерелгән берничә проектны гамәлгә ашырды. Видеокүзәтү фермерларга сыер саву процессын контрольдә тотарга мөмкинлек бирә, ә саву җайланмасындагы акыллы датчиклар терлекләрнең җитештерүчәнлеген бәяләү өчен белешмәләр җыя. Цифрлы чишелешләр кертү нәтиҗәсендә сөт продукциясенең сыйфаты, савымның нәтиҗәлелеге яхшыра, шулай ук мөгезле эре терлекләр арасында авырый торганнарының саны кими.

Татарстан Республикасы Рәисе Р.Н. Миңнеханов “Батырлар. Татарстан геройлары” программасына сайлап алу өчен старт бирде. “Бу илебезнең Президенты кушуы буенча гамәлгә ашырыла торган “Геройлар вакыты” федераль программасының аналогы. Программаның максаты - махсус хәрби операциядә (СВОда) катнашучылар арасыннан җитәкчеләр әзерләү”, - дип билгеләп үтте Рөстәм Миңнеханов.

Бүген Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров эш сәфәре белән Татарстан Республикасы Мөслим муниципаль районында булды. Сәфәрдә аның белән бергә Мөслим муниципаль районы башлыгы Альберт Хуҗин йөрде.

Татарстан Республикасы Авыл хуҗалыгы һәм азык-төлек министрлыгы «Татарстан Республикасының иң яхшы шәхси ярдәмче хуҗалыгы», «Татарстан Республикасының иң яхшы крестьян (фермер) хуҗалыгы башлыгы», «Татарстан Республикасы авыл хуҗалыгы кулланучылар кооперативының иң яхшы рәисе», «Татарстан Республикасы агросәнәгать комплексында кече хуҗалыкларны үстерү буенча иң яхшы авыл җирлеге башлыгы» республика конкурсларын уздыру турында игълан итә.