Министрлыкта Белоруссии делегациясе булды
Бүген Министрлыкта министрның беренче урынбасары Ленар Гарипов рәислегендә Белоруссии делегациясе белән эшлекле очрашу узды. Очрашуда шулай ук Татарстан Республикасы Авыл хуҗалыгы һәм азык-төлек министрлыгының терлекчелек тармакларын үстерү бүлеге башлыгы Сирень Нигъмәтҗанов, азык-төлек базарын үстерү бүлеге башлыгы Валентин Спичков, «РИВЦ» АҖ генераль директоры Нияз Хәлиуллин, «РИВЦ» АҖ генераль директоры урынбасары Дамир Фатыйхов, «РИВЦ» АҖ мәгариф бүлеге җитәкчесе Алсу Хәйруллина катнашты.
Белоруссии делегациясе составына Минск өлкә башкарма комитетының авыл хуҗалыгы һәм азык-төлек комитеты рәисе урынбасары Владимир Капустин, рәиснең беренче урынбасары – Столбцово районы башкарма комитетының авыл хуҗалыгы һәм азык-төлек идарәсе башлыгы Виталий Бычковский, «Озерицкий-Агро» ачык акционерлык җәмгыяте директоры Анжелика Гущеня, «Минскоблагросервис» ачык акционерлык җәмгыятенең авыл хуҗалыгы филиалы директоры (Мядельский районы) Андрейм Давыденко, «НОВАЯ ЖИЗНЬ» ачык акционерлык җәмгыяте директоры Виктор Худницкий кергән иде.
Ленар Гарипов Татарстан Республикасы агросәнәгать комплексының мөмкинлекләре турында сөйләде: "Авыл хуҗалыгы продукциясен җитештерү күләмнәре буенча Татарстан Республикасы Идел буе федераль округында беренче урында һәм ил төбәкләре арасында лидерлар өчлегендә. Ил буенча 2% авыл хуҗалыгы җирләренә ия булып, республика аның авыл хуҗалыгы продукциясенең 3,8%ын җитештерә".
Төп азык-төлек товарлары буенча республика үз-үзен туклысынча тәэмин итүче төбәк. Мәсәлән, ит һәм ашлык белән тәэмин ителеш – 100%тан артык, сөт буенча – 160%тан артык, шикәр буенча - 260%тан артык, ә үсемлек мае буенча тәэмин ителеш нормадан 7 мәртәбә артыграк.
«2024 елда без бөртеклеләрдән 3,9 млн тоннадан артык уңыш җыйдык, шикәр чөгендере – 2,4 млн тонна, майлы культуралар – 839 мең тонна, бәрәңге – 967 мең тонна, яшелчәләр - 295 мең тонна», - дип билгеләп үтте Ленар Гарипов.
Очрашу барышында катнашучылар агросәнәгать комплексын цифрлаштыру, авыл хуҗалыгында дәүләт ярдәме мәсьәләләре буенча фикер алыштылар.
Өстәмә һөнәри белем бирү системасындагы төп проблемаларны һәм өстәмә белем бирүне үстерүнең яңа моделен җентекләбрәк тикшерделәр.