Зеленодольск сөт эшкәртү комбинаты балалар йортларында тәрбияләнүчеләрне Балаларны яклау көне белән котлады
Зеленодольск сөт эшкәртү комбинаты Зеленодольск, Чистай һәм Нурлат балалар йортларында тәрбияләнүче 100дән артык баланы Балаларны яклау көне белән котлады. Алар Зеленодольск сөт эшкәртү комбинатыннан сөт җыелмалары алдылар. Гомуми җыелмалар күләме 200 килограммнан артыграк.
Бәйрәм алдыннан шулай ук «Друг Обнимамы» акциясе дә үткәрелде. Элек «Обнимама идет в гости» проекты кысаларында бәйрәмнәр уздырылган 12 балалар бакчасы бүләккә тагын «Обними меня! Сказка о слоненке и его маме» китабыннан рәсемнәр белән бизәлгән буй үлчәгеч алдылар. Бу игелекле терапевтик әкият балаларга дуслык урнаштырырга, кайгыртучанлык күрсәтергә һәм гафу итәргә өйрәнергә ярдәм итә.
Буй үсешен үлчәү өчен шкалалы брендлы фигуралар хәзер Казанның 4000нән артык балалар йөри торган балалар бакчаларының медицина кабинетларында тора. Аларда сурәтләнгән матур җәнлекләр балаларга бер-берсенә карата җылылык, кайгыртучанлык күрсәтергә кирәклекне һәм, әлбәттә, кочаклашулар турында искә төшерәләр.
“1 июнь - безнең өчен аерым үзенчәлеккә ия көн. Бу көнне ел саен ике мөһим бәйрәм — Балаларны яклау көне һәм Бөтендөнья сөт көне билгеләп үтелә. Үзебезнең ярдәмдә бу ике вакыйганы без һәрвакыт бергә берләштерәбез. Инде шактый еллар без балалар учреждениеләренә һәм балаларны яклауга һәм гаилә кыйммәтләрен саклауга юнәлдерелгән проектларга ярдәм итәбез”, - дип сөйләделәр “Зеленодольск сөт эшкәртү комбинаты” АҖ матбугат хезмәтендә.