ЯҢАЛЫКЛАР

Татарстан  Республикасы Авыл хуҗалыгы  һәм азык-төлек  министрлыгы авылда  кече  һәм урта  бизнесны  үстерүгә  зур  игътибар  бирә.   Бүген  һәр районда  үз эшен  ачып,  аны  уңышлы  алып  баручы  кешеләр  бар.   Шундыйларның  берсе  - Аксубай  муниципаль районының  Иске Тимошкино  (Старое Мокшино) авылында вешенка  гөмбәсен  үстерү   цехын  ачкан  Анатолий Самаренкин.

Татарстан төбәкара  ветеринария  лабораториясендә  эре  мөгезле  терлекләрнең  генетик  тәңгәллеген билгеләү  методикасын  гамәлгә керттеләр. Идарәнең  мәгълүмат-аналитик һәм хуҗалык  бүлеге  башлыгы  урынбасары     Наил  Фәйзрахманов әйтүенчә, Россельхознадзорның Татарстан  төбәкара     ветеринария   лабораториясендә  эре  мөгезле  терлекләрнең  генетикасы  буенча типларын  билгеләү  методикасын  гамәлгә кертүне  төгәлләделәр,  ул  микросателлит маркерларны анализлауга,  ягъни  ДНК дәрәҗәсендә  билгеләүгә  нигезләнә.  

13 апрельдә, Зәй  районында  Агросәнәгать паркы  территориясендә  беренче  язгы  ярминкә   узды.   Кунакларны  кулай  бәяләрдән сыйфатлы  фермер продукциясе белән каршы  алдылар,  шулай  ук  күңелле     концерт  программасы  да  оештырылган  иде. 

13 апрельдә  Татарстан  Республикасы Авыл хуҗалыгы  һәм азык-төлек  министрлыгында  Татарстан  бакчачылары  берлеге    конференциясе  узды. Аның  эшендә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат  Әхмәтов, министрның  беренче   урынбасары  Николай Титов, Татарстан  Республикасы Дәүләт Советы депутаты, Экология, табигатьтән файдалану, агросәнәгать  һәм азык-төлек  сәясәте комитеты  рәисе    Таһир Һадиев, Татарстан Республикасы  авыл  хуҗалыгы  һәм азык-төлек  министры  урынбасары    Ришат Хәбипов,   Татарстан бакчачылары  берлеге  рәисе   Владимир Дейнекин,  Татарстан  Республикасы  министрлыклары,    ведомстволары, муниципаль районнарының  башкарма  комитетлары вәкилләре коммерциягә карамаган  бакчачылык ширкәтләре рәисләре    катнашты. 

Техник  модернизацияләүнең авыл хуҗалыгы продукциясен    конкурентлыкка  сәләтле  итүнең төп  шартларыннан  берсе  булуы турында  шимбә  көнне  Татарстан  Республикасы Хөкүмәте Йортында  узган  республика киңәшмәсендә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры  Марат  Әхмәтов  сөйләде. 

Шимбә көнне   Казанда  һәм Чаллыда  Татарстан  Республикасы Авыл хуҗалыгы  һәм азык-төлек  министрлыгы һәм шәһәрләрнең башкарма комитетлары  тарафыннан  оештырылган  авыл  хуҗалыгы   ярминкәләре  узды.   Продуктларны  һәм товарларны  республиканың    төрле  районнарыннан      авыл  хуҗалыгы товар  җитештерүчеләре,  шулай  ук  АПК предприятиеләре җитештерүчеләре, фермерлар, умартачылар      алып  килде.  Язгы  ярминкәдә беренче  мәртәбә  Идел  буе районы  мәйданчыкларына  үз продукциясен    «Үзәк»   СПСПСК алып  килгән. Сәүдә  мәйданчыкларына авылларга  йөри  торган  автолавкалар  да  килгән.  

12 апрельдә Татарстан Республикасы  авыл  хуҗалыгы  һәм азык-төлек  министрының беренче   урынбасары    Николай Титов Фән һәм техниканы  үстерүгә финанс  ярдәме буенча Бөтенкытай ассоциациясенең  Венчур  инвестицияләр комиссиясе Генераль секретаре,  Югары  технологик һәм    инновацион индустрия өлкәсендә  Евразия  базарын  үстерү буенча  стратегик  хезмәттәшлек  берлеге  Рәисе   Сю Сяопин ханым  белән  очрашты.  Очрашуда  шулай  ук   Beijing Public Trust Management Consultant Ltd консалтинг департаменты   генераль  директоры урынбасары     Сян Лю, Татарстан Республикасы  авыл  хуҗалыгы  һәм азык-төлек  министры  урынбасарлары    Илдус Габдрахманов, Нәҗип Хаҗипов, Тәлгать  Таһирҗанов, Татарстан  Республикасы   Инвестиция-венчур фонды вәкилләре  һәм башка  җаваплы  затлар  катнашты.  

Татарстан  Республикасы Авыл хуҗалыгы  һәм азык-төлек  министрлыгы «2017 – 2020 елларга  Татарстан  Республикасында  авыл  хуҗалыгы  кулланучылар кооперациясен үстерү» программасы  буенча  матди-техник базаны  үстерү  өчен  грантлар  бирүгә авыл  хуҗалыгы  кулланучылар  кооперативларын    сайлап алу конкурсы     башлану  турында  игълан итә.    

Шимбә көнне, 13 апрельдә,  иртәнге  6.00 сәгатьтә Казанда, Чаллыда,  Зеленодольск районының  Октябрьский поселогында  (“Яңа  Тура” сәүдә-ярминкә  комплексында)   гадәттәге  авыл хуҗалыгы  продукциясен һәм  көндәлек  азык-төлек  товарларын  сату ярминкәләре эшли башлый.   

“Быел яз  иртә  килде.  1985 елда   11 апрельдә без  язгы  чәчүне башлаган  идек,  быел менә  шул  көнне  язгы  кыр  эшләренә  керештек.    Күпьеллык   үләннәрне тырмалауны, көзге  культураларны  тукландыруны,  туңга  сөрелгән  җирләрне  тырмалауны   12 апрельдә  башларга  торабыз.   Техника чәчүгә  әзер. 10 апрельдә Татарстан  Республикасы Авыл хуҗалыгы  һәм азык-төлек  министрлыгыннан  килгән  комиссия     машина-трактор паркының,  башка  техниканың  язгы  кыр  эшләренә  әзерлеген  уңай  бәяләде.  Моңа  кадәр  4 апрельдә бенең  үзебезнең  комиссия белән дә техниканың  әзерлеген  тикшергән  идек”, - дип билгеләп  үтте  Актаншы  муниципаль районы  башлыгы  Энгель Фәттахов,  авыл  хуҗалыгы оешмалары  җитәкчеләре,  авыл  җирлекләре  башлыклары, фермерлар һәм районның  җаваплы  затлары  катнашында  уза  торган  агроконференцияне ачып.   Конференция  эшендә  шулай  ук  Татарстанның  авыл  хуҗалыгы  өлкәсендә  төп  фәнни эшчәнлекне  алып  баручы  галимнәр,   Башкортостаннан  галимнәр, ике  республиканың  да  нәтиҗәле  эшләүче авыл  хуҗалыгы  предприятиеләре  җитәкчеләре  катнашты.