Аграрийларның көндәлек мәшәкатьләре: Аксубай районы хуҗалыкларында күпкомпонентлы үләннәр үстерүгә басым ясыйлар
Республика районнарындагы кыр эшләре Татарстан Республикасы Авыл хуҗалыгы һәм азык-төлек министрлыгының аерым контролендә. Көндәлек оператив белешмәләрдәге саннарда Татарстанның һәр районының үзенчәлеге һәм аерымлыгы, һәм, иң мөһиме, меңнәрчә кешеләрнең хезмәте чагыла.
Мәсәлән, Аксубай муниципаль районы хуҗалыкларында кузаклы һәм бөртекле культуралардан торучы күпкомпонентлы үләннәр үстерүгә басым ясыйлар. Мисал өчен, Сөнәев КФХында азык культуралары 2800 гектар тәшкил итә. бүгенге көнгә күпьеллык үләннәр 1400 гектардан артык мәйданда чаптырылган, 3500 тоннага якын сенаж салынган, 350 тонна печән прессданган.
«Әхнәф Сөнәев хуҗалыгында кузаклы һәм бөртекле культуралардан торучы күпкомпонентлы үләннәр үстерүгә аерым басым ясыйлар, – дип сөйли Татарстан Республикасы Авыл хуҗалыгы һәм азык-төлек министрлыгының райондагы Авыл хуҗалыгы һәм азык-төлек идарәсе идарәсенең җитештерү-маркетинг бүлеге башлыгы Усман Нигъмәтуллин. – Бу – бик кыйммәтле катнашма, аны әзерләүнең дөрес технологияләрен кулланганда, югары сыйфатлы сусыл азык барлыкка килә».
Быел күпкомпонентлы кишәрлекләр югары уңыш бирде: Чапкычларда Әдип Гыйльметдинов һәм Рәдис Гайнатуллин эшлиләр. Механизаторлар –зур тәҗрибәлеләр, җаваплы кыр кампанияләрендә үзләрен һәрвакыт намуслы, тырыш итеп күрсәтәләр.
Тиешле кондициягә килгән төрле үләннәрне җыялар, ваклыйлар, консервацияләү өчен яшел массага кушалар һәм шул ук вакытта өйк техникасына төйиләр, бу эшләрне механизаторлар Алексей һәм Александр Илендеевлар башкара. Процесс интенсив темпта бара. Аннары массаны Иске Савруш авылы янындагы базга салалар.
Сенаж базы һәр рейс саен азык ярымфабрикатының яңа тонналары белән тула. Уңган төеп торучылар шунад ук аларны гомуми массага кушалар. ДТ-75 тракторы белән трамбовкада авыл хуҗалыгы җитештерүендә ветеран Николай Степанов эшли. Кыр эшләрендә аның хезмәт эшчәнлеге - 54 ел. Үзенең легендар тракторында Николай Леонтьевич 34 ел эшли.
Печән әзерләү дә шундый ритмда бара. Эшләр көйләнгән, ә авыл хезмәтчәннәренең кәефе күтәренке.
«Безнең механизаторлар эшкә күңел салып эшлиләр, – дип билгеләп үтте фермер хуҗалыгы җитәкчесе Әхнәф Сөнәев. – Без сөт терлекчелегендә продуктивлыкны мөмкин кадәр югарырак күтәрергә тырышабыз, мондый команда белән бу бурычны үтәп була».