ЯҢАЛЫКЛАР

Минзәлә муниципаль районы башлыгы Айдар Салахов “Мензелинские зори” агрофирмасы Калморза хуҗалыгы басуында җирләрне тирәнтен эшкәртү буенча семинар-киңәшмә үткәрде. Анда агрофирма, хуҗалык, КФХ җитәкчеләре, аларның баш агрономнары, инженерлар, авыл хуҗалыгы һәм азык-төлек идарәсе белгечләре катнашты.

2013 елның 30 сентябренә алынган оператив мәгълүматларга караганда быел Татарстанда  рапс 64,3 мең гектар мәйданда җыеп алынган, бу 63 процент.

Уртача уңыш күләме 8,5 ц/га тәшкил итә. Ә менә Актаныш муниципаль  районында уртача уңыш күләме югары. Биредә - 15,4 ц/га тәшкил итә. Ә Сарман районында 14,7, Азнакайда – 12,0, Арча районында – 10,9, Балык-Бистәсе районында  - 10,4, ә Кумарада – 10,0 ц/га һ.б.

Узган айда Татарстанда бу вакыт өчен гадәттәгедән 4 тапкыр артык явым-төшем булган. Бу хакта ТР Хөкүмәт йортында узган республика киңәшмәсендә ТР Премьер-министры урынбасары – авыл хуҗалыгы һәм азык-төлек министры Марат Әхмәтов белдерде. Киңәшмәне ТР Премьер-министры Илдар Халиков үткәрде.     

Тукай муниципаль  районының  «Кама» агрофирмасының Игенче бүлекчәсе рапс культурасы 1300 гектарга якын җир били. Бүгенге көнгә шуның 400 гектардан артыгы җыеп алынган.

Бүген “Казан” Агросәнәгать паркында чираттагы Авыл хуҗалыгы ярминкәсе узды. Шулай ук, Казан шәһәренең тагын дүрт районында да ярминкәләр оештырылган иде.       

Балтач районының ярты хуҗалыгы бәрәңгедән баш тарткан заманда “Бөрбаш” хуҗалыгында элеккеге кебек бу культураны күпләп игә. Быел 66 гектарда 5 төрле сорт утыртканнар. Невскийны шактый еллар дәвамында үстерә­ләр икән. Аның мәйданы башка сортларга караганда күбрәк.

Чирмешән муниципаль  районының “Чирмешән-АГРО“ җәмгыяте Зәй шикәр заводына 12 365 тонна чөгендер озаткан. “Кади“да да бу эшләргә керештеләр. Алар татлы тамырны Нурлатка ташый.

2013 елның 27 сентябренә алынган оператив мәгълүматларга караганда быел Татарстанда гектардан 107 мең т бәрәңге казып алынган. Мәйданнарның 5,9 мең га җыеп алынган, бу фаразланган күрсәткечнең 74 проценты. Уртача уңыш - 180 ц/га тәшкил итә. Алабуга муниципаль районында уртача уңыш күрсәткечләре югары. Биредә - 291 ц/га, азга гына Зәй районы калыша, аларда – 280 ц/га, Арчада – 255 ц/га, Түбән Камада – 250 ц/га һ.б.

Агымдагы елның 24-25 октябрь көннәрендә Мәскәүдә (“Измайлова”) агросәнәгать комплексы  җитәкчеләренең Бөтенроссия  күләм конференциясе узачак.

Татарстанның Авыл хуҗалыгы фәнни-тикшеренү институтында алмагачның “Бәхет кошы” исемле яңа сортын чыгарганнар. Ул хәзер сорт буларак дәүләт сынавын уза. Аның авторы – җимеш бирә торган культуралар селекциясе лабораториясе мөдире, авыл хуҗалыгы культуралары докторы Геннадий Осипов.