Авыл хуҗалыгы ярминкәләре дәвам итә

Бүген “Казан” Агросәнәгать паркында чираттагы Авыл хуҗалыгы ярминкәсе узды. Шулай ук, Казан шәһәренең тагын дүрт районында да ярминкәләр оештырылган иде.       

- Мәскәү районында (Коллахмәтов урамы, 31 “Удача” сату үзәге артындагы территориядә);

-  Совет районында (Дербышка пос. Совет урамы, 18);

-   Авиатөзелеш районында исә, 123 нче һөнәр лицее каршындагы мәйданда (Дементьева урамы,  39);

-  Яңа Савин районындагысы Яңа Савин күпләп-ваклап сату базары территориясе янәшәсендә ( Адоратский урамы, 21).

Әлеге ярминкәләрдә ит-сөт продуктларын, бал, төрле яшелчә һәм кондитер эшләнмәләре кебек авыл хуҗалыгы товарларын арзан бәядән сатып алырга мөмкин  иде.

Шунысын да әйтергә кирәк, авыл хуҗалыгы ярминкәләре агымдагы елның 1 декабренә кадәр дәвам итәчәк.

Авыл хуҗалыгы ярминкәләренә рәхим итегез!