ЯҢАЛЫКЛАР
Татарстан Республикасы Авыл хуҗалыгы һәм азык-төлек министрлыгы исеменнән һәм шәхсән үзем сезне Халыклар бердәмлеге көне белән котлыйм!
«АПКның Ашлык сыйфатын бәяләү үзәге» ФДБУнең Татарстан Республикасы филиалы контролендә Түбән Кама районыннан Кытайга җитен орлыгы төяп җибәрелде. 1,6 мең тоннадан артык җитен партиясе тимер юл транспорты контейнерларында озатылды.
Бүген эш көне булуга карамастан, Татарстанда гадәттәге авыл хуҗалыгы ярминкәләре узды. Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов Казан шәһәрендәге берничә мәйданчыкның эшен карап чыкты. Ул сатучылар һәм сатып алучылар белән аралашты, халыкның теләкләрен тыңлады.
Кырларда техник культураларны җыюның барышы, җирләрне туңга сөрү һәм көзге культураларның торышы турында бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров сөйләде.
Барлык муниципаль районнар белән видеоконференцэлемтә режимындагы киңәшмәне Татарстан Рәисе Рөстәм Миңнеханов уздырды. Анда ТР Премьер-министры Алексей Песошин катнашты.
Тагын 146 мең га мәйданда техник культуралар җыясы бар, болар: 86 мең га көнбагыш, 46 мең га кукуруз, 6 мең га шикәр чөгендере һәм 7 мең га соя. Узган 2 атнада 38 мең га мәйданда җыелган, бу - барлык мәйданның 20%ы. Яңгырлар аркасында урып-җыю эшләре тоткарлана.
Җыелмаган мәйданнарның шактые Мөслим (11 мең га) һәм Азнакай (9 мең га) районнарында. Актаныш, Сарман, Аксубай һәм Бөгелмә муниципаль районнарында 7шәр мең гектардан артык мәйдан җыелмаган әле.
Шикәр чөгендерен эшкәртү дәвам итә. Бүгенгә 768 мең тонна чимал эшкәртелгән. 109 мең тонна шикәр җитештерелгән.
Барлыгы 490 мең га уҗым культуралары чәчелгән, шулардан 82% яисә 403 мең га мәйдан яхшы хәлдә, 17% яисә 83 мең га - канәгатьләнерлек һәм якынча 1% яисә 5 мең га - шытымнар сирәкләнгән. Салкыннар башланганнан соң, шытымнарда шикәр микъдарын билгеләү планлаштырыла.
Бүгенгә 1 млн 464 мең га җир туңга сөрелгән, бу сөрелергә тиешле мәйданнарның 94%ын тәшкил итә, шул исәптән 560 мең га тирәнтен эшкәртелгән, һәркөнне 500дән артык агрегат эшли. Эшләрне төгәлләү өчен тагын 250 мең гектардан артык җир эшкәртәсе бар.
2026 ел уңышы өчен хуҗалыклар тарафыннан 75 мең тонна минераль ашлама сатып алынган - планлаштырылган чәчүлекләрнең бер гектарына 15 кг туры килә. Россия Федерациясе Авыл хуҗалыгы министрлыгы һәм Сәнәгать министрлыгы ил хуҗалыклары ашламаларга кытлык булмасын өчен ел саен һәр төбәк буенча минераль ашламалар сатып алу планын раслыйлар.
Сортларны һәм орлыкларны дөрес сайлау мөһим роль уйный. Ул уңышны гектардан 10 центнерга һәм аннан да күбрәккә арттырырга ярдәм итә. Югары репродукцияле орлыкларны чәчү дәрәҗәсе соңгы елларда республика буенча 38% дәрәҗәсендә саклана - бу Россиядә өченче күрсәткеч. "Безгә үсәр урын бар әле. Әлбәттә, төрле хуҗалыклар бар. Элиталы орлыклар күләме барлык мәйданның 50%ына кадәр чәчәргә мөмкинлек бирә. Яхшы орлыклар куллану белән бергә, заманча агротехнологик чишелешләрне куллану да бөртеклеләрнең табышлылыгын шактый арттырачак", - дип билгеләп үтте министр.
Орлыклар белән тәэмин итүгә ярдәм чаралары өч юнәлеш буенча гамәлгә ашырылды. Гомумән алганда, Россия һәм Татарстан бюджетларыннан агымдагы елда 400 млн сум акча бирелгән.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов рәислегендә Татарстан Республикасы территориясенә йогышлы, шул исәптән аеруча куркыныч терлек авыруларының үтеп керүен һәм таралуын булдырмау буенча республика штабы утырышы узды.
Татарстан аграрийлары галимнәре БМОның Азык-төлек һәм авыл хуҗалыгы оешмасы (ФАО) оештырган Глобаль техник тану тантанасы лауреатлары арасында булдылар. Бу вакыйга 2025 елның октябрендә Римда оешманың 80 еллыгы уңаеннан узды. Чараның максаты - авыл хуҗалыгын тотрыклы үстерүгә ирешү һәм азык-төлек иминлеген арттыру өчен җирдән файдалануга, туфрак һәм су ресурсларына идарә итү өлкәсендә алдынгы тәҗрибәне һәм уңышлы чишелешләрне тарату.
Бүген Казанда Татарстан Республикасы Хөкүмәте һәм Казахстан Республикасының Төньяк-Казахстан өлкәсе Хакимияте арасында үзара хезмәттәшлек турындагы меморандум имзаланды.
Мәскәүдә «Тимирязев Центр» укыту-күргәзмә комплексы мәйданчыгында «Мин Агрода» бөтенроссия конкурсы – Россия Федерациясе Авыл хуҗалыгы министрлыгы, Россия яшьләре, Россельхозбанк һәм Россия Яшьләр берлегенең масштаблы проекты старт алды. Әлеге проект яшьләргә үз юлларын табуга шартлар тудыруга, аларны кече территорияләрне социаль-икътисадый үстерүдә катнашуга кертүгә һәм авыл тормышының җәлеп итүчәнлеген арттыруга юнәлдерелгән. 2025 елның 1 декабренә кадәр сылтама буенча теркәлергә кирәк.
MAX илкүләм мессенджеры Татарстан халкына туганнары һәм дуслары белән аралашу өчен заманча, уңайлы һәм бушлай чишелеш тәкъдим итә. MAXның үзенчәлеге - тулысынча бушлай аудио-һәм видеошалтыратулар, алар хәтта интернетка тоташу начаррак булганда да эшли һәм мобиль элемтәдә акчаларны шактый азрак тотарга мөмкинлек бирә.
1 ноябрь эш көне дип игълан ителүгә карамастан, гадәттәге авыл хуҗалыгы ярминкәләре бу шимбәдә шул ук мәйданчыкларда узачак. Казанның Беломорский һәм Гудованцев урамнары киселешендә ярминкә якшәмбе көнне узачак.