ЯҢАЛЫКЛАР

Татарстан Республикасында шикәр чөгендерен җыюны тулысынча төгәлләделәр. Республика буенча 55,6 мең га мәйданда барлыгы 2 млн 621 мең тонна уңыш алынган, уртача уңдырышлылык - гектардан 471,5 центнер. 

Бүген «Татарстан — казанышлар республикасы» проекты кысаларында Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров агымдагы елның авыл хуҗалыгы сезонына йомгаклар ясады, тармакның перспективалары турында сөйләде һәм социаль челтәрләрдән файдаланучыларның сорауларына җаваплар бирде. 

Россельхозбанк һәм «Сколково» Россия Федерациясе төбәкләренең агросәнәгать комплексында (АПКда) инновациялелек рейтингы нәтиҗәләрен бирделәр. Татарстан Республикасы, Новосибирск һәм Мәскәү өлкәләре лидерлар булдылар.

Бүген Казан (Идел буе) федераль университетының Попечительләр советы залында Татарстан Республикасы муниципаль районнарының авыл җирлекләре башлыкларының квалификациясен күтәрү буенча «Авыл җирлекләре белән идарә итүгә заманча алымнар» дигән белем бирү программасы ачылды. Нотык белән Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров чыгыш ясады. Чарада министр урынбасары Рөстәм Гайнуллов һәм «Татарстан Республикасында авыл хуҗалыгы кооперациясен үстерү буенча компетенцияләр үзәге» директоры Диләрә Шувалова катнашты.

Авыл хуҗалыгы сезоны-2024: аграрийлар өчен ел йомгаклары, тармак перспективалары - бу темага 11 ноябрьдә #ТатарстанОнлайн программасының туры эфирында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров чыгыш ясаячак.

Бүген Буа шәһәренең Мәдәни үсеш үзәгендә «Татарстан Республикасы терлекчелеге - үсеш торышы һәм перспективалары» темасына зона семинар-киңәшмәсе узды. Чарада Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов, министр урынбасары Гөлүс Баязитов, Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин, шулай ук авыл хуҗалыгы һәм азык-төлек идарәләре башлыклары, инвесткомпанияләр җитәкчеләре, баш ветеринария табиблары, хуҗалыкларның терлекчелек һәм зоотехника буенча консультантлары катнашты.

Республикада көзге авыл хуҗалыгы ярминкәләре дәвам итә. Бүген татарстанлылар Казанда, Чаллыда, Зеленодольскида, Түбән Камада һәм Кама Аланында урнашкан сәүдә мәйданчыкларында булдылар.

Бүген Татарстан Республикасы Сәүдә-сәнәгать палатасында Казахстанның Абай өлкәсе делегациясе белән эшлекле очрашу узды, делегация өлкә Хакиме Нурлан Уранхаев җитәкчелегендә килгән. Очрашуда Татарстан Республикасы Авыл хуҗалыгы һәм азык-төлек министрлыгыннан министр урынбасары Рөстәм Гайнуллов һәм азык-төлек базарын үстерү бүлегенең әйдәүче киңәшчесе Салават Сәхабетдинов катнаштылар.

Бүген Татарстан Республикасы Яңа Чишмә муниципаль районының «Закром» ҖЧҖ базасында «Татарстан Республикасы терлекчелеге - үсеш торышы һәм перспективалары» темасына зона семинар-киңәшмәсе узды. Чарада Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов, министр урынбасары Гөлүс Баязитов, шулай ук авыл хуҗалыгы һәм азык-төлек идарәләре башлыклары, инвесткомпанияләр җитәкчеләре, хуҗалыкларның терлекчелек һәм зоотехника буенча консультантлары катнашты.

2024 елның 15-16 ноябрендә Казанда агросәнәгать комплексының яшь хезмәткәрләре арасында “Һөнәре буенча иң яхшы” XII һөнәри осталык конкурсы узачак.