ЯҢАЛЫКЛАР
Татарстан Республикасында 114 мең га мәйданда уңыш җыясы калган, шул ук вакытта көнбагыш 75,5 мең га тәшкил итә. Орлык өчен кукуруз 28,5 мең га мәйданда, ягъни планнан 56% мәйданда суктырылган. Кырларда шикәр чөгендерен җыю төгәлләнеп килә. Шикәр заводларына 1 млн. тонна чимал чыгарылган, ягъни тулаем җыемның 40%ы, 939 мең тонна эшкәртелгән, 136 мең тонна шикәр җитештерелгән. Мондый мәгълүматларны бүген Татарстан Республикасы Хөкүмәте Йортында узган шимбә киңәшмәсендә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров җиткерде.
2025 елның 23-25 ноябрендә Сиан шәһәрендә Россия-Кытай Дуслык, тынычлык һәм үсеш комитеты оештырган VI Россия-Кытай бизнес-форумы узачак. Ул Россия һәм Кытай эшлекле даирәләре хезмәттәшлегенең төп юнәлешләре буенча тематик мәйданчыкларны берләштерүче бердәм киңлек булачак.
13-14 ноябрьдә Татарстан Республикасы Авыл хуҗалыгы һәм азык-төлек министрлыгында «Финанс ярдәме алу өчен документлар пакетын рәсмиләштерү һәм экспертизалау» программасы буенча дәүләт граждан хезмәткәрләре стажировка үтте. Стажировкада Казан шәһәреннән, Әлки, Әтнә һәм Питрәч муниципаль районнарыннан дәүләт хезмәткәрләре катнашты.
Бүген Казанда «Корстон» сәүдә-күңел ачу комплексы мәйданчыгында «Август-Агро» компаниясенең авыл хуҗалыгы һәм эшкәртү сәнәгате хезмәткәрләре көненә багышланган тантаналы чарасы узды. Чарада Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров, «Август» компаниясе генераль директоры Александр Усков, «Август-Агро» ИК генераль директоры Айдар Галәүтдинов катнашты.
Бүген Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов эш сәфәре белән Татарстан Республикасының Алексеевск муниципаль районында булды.
Бүген Казанда яңа «Фермер утраучыгы» ачылды. Биредә фермер хуҗалыклары товарлары: республиканың 17 муниципаль районыннан 30 авыл хуҗалыгы товар җитештерүчесе җитештергән сөт, ит, казылык һәм кондитер продукциясе сатылачак. Ачылышта Татарстан Республикасы авыл хуҗалыгы һәм азык-төлек министры урынбасары Нияз Хурамшин катнашты.
Бүген Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров эшлекле сәфәр белән Татарстан Республикасы Зеленодольск муниципаль районында булды.
Цифрлы икътисадны үстерү һәм алдынгы технологияләрне киң куллану АПКда зур мөмкинлекләр ача. «РосАгрохимхезмәт» ФДБУнең Татарстан филиалы бу юнәлештә актив эш алып бара. Нәкъ менә шушы филиал базасында “Агробизнеста акыллы технологияләр: кырларны мониторинглаудан алып хәвеф-хәтәрләргә идарә итүгә кадәр” темага семинар оештырылуы очраклы гына түгел. Чарада инженер-техник тәэмин итү бүлеге башлыгы урынбасары Рәис Идрисов катнашты.
Бүген Россия Федерациясе Дәүләт Думасында «Россиянең азык-төлек иминлеге нигезе буларак агросәнәгать комплексында җитештерүнең һәм тирәнтен эшкәртүнең заманча технологияләрен үстерү һәм халыкның азык-төлек продуктларыннан файдалану мөмкинлеге» темасына «Хөкүмәт сәгате» узды. Утырышта Дәүләт Думасы Рәисе Вячеслав Володин, РФ Хөкүмәте Рәисе урынбасары Дмитрий Патрушев, РФ авыл хуҗалыгы министры Оксана Лут, РФ сәнәгать һәм сәүдә министры Антон Алиханов, профильле комитетлар һәм фракцияләр вәкилләре катнашты.
Россия Федерациясе Авыл хуҗалыгы министрлыгының Үсемлекчелек, механикалаштыру, химияләштерү һәм үсемлекләрне яклау департаменты «Үсемлекчелек продукциясен үстерүдә югары күрсәткечләргә ирешкән өчен» конкурсына йомгаклар ясады. Ул «Алтын көз-2025» Россия агросәнәгать күргәзмәсе кысаларында уздырылды.