ЯҢАЛЫКЛАР
#ЩедрыйВторник - Бөтендөнья хәйриячелек көне, аның төп максаты - хәйриячелек эшчәнлегенә җәмәгатьчелек игътибарын юнәлтү һәм күбрәк кешене җәлеп итү.
«Тармак лидеры» илкүләм Реестры — үз тармагында әйдәүче дип танылган учреждениеләрнең, оешмаларның, предприятиеләрнең, компанияләрнең һәм аларның филиалларының белешмәләре базасы ул.
Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров җитәкчелегендәге Татарстан Республикасы делегациясе эш сәфәре белән Краснодар краенда булды.
Бүген Министрлыкта Татарстан Республикасының Сатып алуларны үстерү үзәге сатып алулар өлкәсендә актуаль мәсьәләләр буенча «Сатып алуларны башкарганда абруйны төшермәү» темасына семинар-киңәшмә уздырды. Анда Татарстан Республикасы авыл хуҗалыгы һәм азык-төлек министры урынбасары Марсель Мәхмүтов, Татарстан Республикасының Сатып алуларны үстерү үзәге вәкилләре - генераль директор урынбасары Наилә Габидуллина, мәгариф бүлеге җитәкчесе Илнар Мәгъданов һәм әйдәүче юрисконсульт Дмитрий Чернов катнаштылар.
Татарстан Республикасы Авыл хуҗалыгы һәм азык-төлек министрлыгы шәхси ярдәмче хуҗалык тотучы гражданнардан чыгымнар өлешен каплауга гаризалар кабул итүнең өченче этабын уздыру турында игълан итә:
Узган шимбәдә Татарстан Рәисе Рөстәм Миңнеханов «Иң яхшы Татарстан Республикасы дәүләт граждан хезмәткәре» конкурсында җиңгән Татарстан Республикасы Әгерҗе муниципаль районының Авыл хуҗалыгы һәм азык-төлек идарәсе консультанты Илмира Хәтбуллинаны котлады. Ул «Дәүләтнең һәм җәмгыятьнең цифрлы диалогы» проектын «Дәүләт граждан хезмәтендә ТР дәүләт телләре буларак рус һәм татар телләрен нәтиҗәле куллану» номинациясендә уңышлы яклады.
Татарстан Республикасы мелиораторлары һәм агрохимиклары эше янәдән Россия Федерациясе Авыл хуҗалыгы министрлыгы тарафыннан иң югары бәя алды. Россия Федерациясе Авыл хуҗалыгы министрлыгының Үсемлекчелек, механикалаштыру, химияләштерү һәм үсемлекләрне яклау департаменты «Үсемлекчелек продукциясен үстерүдә югары күрсәткечләргә ирешкән өчен» конкурсына йомгаклар ясады, аның йомгаклары буенча Татарстан аграрийлары иң күп бүләкләр алучылар булдылар. Ул «Алтын көз-2025» Россия агросәнәгать күргәзмәсе кысаларында уздырылды.
Татарстан Республикасы делегациясе эш сәфәре белән Мисыр Гарәп Республикасында булды. Аның составына Татарстан Республикасы Рәисе ярдәмчесе Марат Гатин, Татарстан Республикасы авыл хуҗалыгы һәм азык-төлек министры урынбасары Рөстәм Гайнуллов, Татарстан Республикасының эре агросәнәгать предприятиеләре җитәкчеләре керде.
Республикада 13 сентябрьдән гадәттәге авыл хуҗалыгы ярминкәләре эшли башлады, алар Казан шәһәрендә 14 мәйданчыкта, Чаллыда һәм Зеленодольск районында 2шәр мәйданчыкта, Түбән Камада 3 мәйданчыкта һәр шимбәдә һәм муниципаль районнарда төрле даимилектә уза.
Татарстан Республикасы Авыл хуҗалыгы һәм азык-төлек министрлыгы яңа эш башлаучы авыл хуҗалыгы кулланучылар кооперативларының матди-техник базасын үстерүгә грант алуга гаризалар кабул итүне игълан итә. Сайлап алу Татарстан Республикасы Министрлар Кабинетының «Агросәнәгать комплексына грант ярдәме чаралары турында» 2021 елның 14 июлендәге 572 номерлы карары белән расланган Авыл хуҗалыгы кулланучылар кооперативларының матди-техник базасын үстерүгә Татарстан Республикасы бюджетыннан грантлар бирү тәртибе нигезендә үткәрелә.