ЯҢАЛЫКЛАР

Бүген «Россельхозбанк» АҖ идарәсе рәисе Борис Листов һәм Россия Федерациясе Авыл хуҗалыгы министры урынбасары Оксана Лут авыл хуҗалыгында табышлы бизнс башлау һәм алып бару өчен кирәкле белемнәр бирә торган «Фермер мәктәбе» банкы проектына тантаналы старт бирделәр.

Яраткан эшләрендә гомумтанылган хезмәт кешеләре хөрмәткә лаек. Хезмәткә һәм туган җиргә мәхәббәтне буыннан-буынга тапшыручылар тагын да зур ихтирамга лаек. Нәкъ менә шундыйлар өчен Татарстан Республикасы Авыл хуҗалыгы һәм азык-төлек министрлыгы Татарстан Республикасы Хөкүмәте ярдәмендә «Татарстан Республикасының Гаилә фермер династиясе» республика конкурсын оештырды. Җиңүчеләр 100әр мең сум акча алачак.

Хезмәтләр күрсәтү сыйфатын яхшырту максатында Татарстан Республикасы Авыл хуҗалыгы һәм азык-төлек министрлыгы, «РИВЦ» АҖ белән берлектә, АПК өлкәсендә субсидияләр алучылар арасында аноним сораштыру уздыра.

Прияна Фролова типик фермер турындагы стереотипны җимерә, ә бәлки, яңа тренд булдырадыр, көн саен мода журналы тышлыгыннан төшкән кебек күренеп, уңышлы фермер булырга да мөмкин икән бит, ул моны үз үрнәгендә күрсәтә. Яшь, матур һәм һәр яктан үзен караган кыз эшкә ыспай киемнән, һичшиксез, яхшы кәеф белән килә. Ә анда аны 70 000 бытбылдык көтә. Ире белән бергә алар Чаллыда бытбылдык үрчетү буенча кошчылык фермасына нигез салалар. Берничә ел эчендә ферма Татарстанда гына түгел, Россиядә дә бытбылдык йомыркаларын җитештерүче эре предприятиегә әверелә. Моннан тыш, күптән түгел фермер продукциясе белән кибет ачылган.

Россия Федерациясе Хөкүмәте күрсәтмәсе нигезендә Россия Федерациясе Авыл хуҗалыгы министрлыгы Татарстан белән он һәм икмәк пешерү предприятиеләренә субсидияләр бирүгә юнәлдерелгән килешү төзеде. Механизм он җитештерүчеләргә - азык-төлек бодае сатып алуга, ә икмәк пешерү сәнәгате предприятиеләренә икмәк һәм икмәк-күмәч әйберләре сатуга киткән чыгымнарның бер өлешен компенсацияләүне күздә тота.

Татарстан Республикасы Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров Минзәлә районының Балтач авылында яңартылган фермада булды. Терлекчелек комплексы эшчәнлеге белән аны «Кама Беконы» җитәкчесе Илдар Галәветдинов таныштырды. Министрга предприятиенең эшчәнлеге һәм савым сыерлары өчен эре комплекс төзүгә әзерлекнең барышы турында сөйләделәр. Яңа инвестор Балтач комплексына 1,2 млрд сум кертем ясаган инде. Дания һәм Эстониядән нәселле таналар сатып алынган, ферма модернизацияләнгән, яңа җайланмалар урнаштырылган. Нәселле таналар көнгә 28-30 кг кадәр сөт бирә. Инвестор фермаларында 86 кеше эшли, уртача хезмәт хакы 36 мең сум тәшкил итә. Объект 2 этапта:2021-2023 елларда төзеләчәк, инвестицияләрнең гомуми күләме 3,3 млрд. сум булачак.

Бүген Татарстан Республикасы Президенты Рөстәм Миңнеханов Түбән Кама муниципаль районына эш сәфәре кысаларында Түбән Кама муниципаль районының социаль-икътисадый үсеше мәсьәләләре буенча киңәшмә уздырды. Аның белән бергә Татарстан Республикасы  Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров барды.

10 - 12 февральдә «Казан Экспо» халыкара күргәзмә үзәгендә Татарстан Республикасы Авыл хуҗалыгы һәм азык-төлек министрлыгы коллегиясе утырышы узды. Чарада Россия Федерациясенең 25 төбәгеннән 220 компания, шулай ук 17 чит ил вәкиллеге катнашты. «ТатАгроЭкспо» күргәзмәсендә Россиянең 32 төбәгеннән, БДБ илләреннән, шулай ук Ирландия һәм АКШтан агросәнәгать комплексының 11 меңнән артык профессионалы катнашты.

18 февральдә Россия авыл хуҗалыгы министрының беренче урынбасары Джамбулат Хатуов АПКдагы һәм азык-төлек базарындагы вәзгыятьне мониторинглау буенча оператив штаб утырышын уздырды. Штаб утырышында Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров катнашты. Чарада катнашучылар, шул исәптән федераль ведомстволар, төбәкләр, тармак берлекләре һәм оешмалар вәкилләре, якын арада башланачак язгы чәчү кампаниясенә әзерлек барышы турында фикер алыштылар. 

Бу хакта бүген Татарстан Республикасы Министрлар Кабинетында узган брифингта Татарстан Республикасы авыл хуҗалыгы һәм азык-төлек министрының беренче урынбасары Наил Залаков хәбәр итте.