Татарстан аграрийлары махсус хәрби операция зонасына чираттагы гуманитар йөк җибәрделәр
Россия Федерациясе Агросәнәгать комплексы хезмәткәрләре һөнәр берлегенең Татарстан республика оешмасы әгъзалары махсус хәрби операция зонасындагы хәрбиләргә гуманитар ярдәм йөзеннән аларга актив ярдәм күрсәтүләрен дәвам итәләр.
Күптән түгел махсус хәрби операция зонасына - Росгвардиянең 1232нче полкына һәм 116нчы бригадасына чираттагы гуманитар йөк җибәрелде, аны җыю Республика һөнәр берлеге оешмасының беренчел һөнәр берлекләре оешмалары әгъзалары, шул исәптән "Чаллы-Бройлер", "Токсикологик, радиацион һәм биологик иминлек федераль үзәге" ФДБФУ, Татарстан Республикасы Министрлар Кабинетының Баш ветеринария идарәсе, Татарстан Республикасы Авыл хуҗалыгы һәм азык-төлек министрлыгы иҗтимагый һөнәр берлеге оешмалары (ОППО) актив катнаштылар. Минзәлә шәһәренең "Десантчылар берлеге" рәисе, Минзәлә шәһәре һәм ТР Минзәлә муниципаль районы Советы депутаты Эдуард Ягъфәров белән берлектә йөкне озата баруда Республика һөнәр берлеге оешмасының социаль-икътисадый мәсьәләләр бүлеге җитәкчесе Булат Гарифуллин һәм «Хәрби хәрәкәтләр ветераннары туганлыгы» төбәкара иҗтимагый оешмасының (МРОО) төбәк бүлекчәсе җитәкчесенең беренче урынбасары, Татарстан Республикасы Минзәлә муниципаль районының Әтрәкле авыл җирлеге Советы депутаты Рушан Сәлахов катнашты.
2022 елдан бирле дәвам итә торган бу мөһим һәм әһәмиятле акция ватандашларның бердәмлеген һәм илебезне батырларча яклаучыларга ярдәм итәргә омтылуын символлаштыра. Гуманитар йөк җибәргәндә Республика һөнәр берлеге оешмасы рәисе Фәридә Гарифуллина: "Һәр хәрбигә батырлыклары һәм кыюлыклары өчен чын күңелдән рәхмәт белдерәбез! Аларның фидакарьлеге һәм ныклыгы тирән ихтирам уята. Гомуми җиңүгә үз өлешен кертеп, гуманитар ярдәм күрсәтүдә катнашучы һәркемгә аерым рәхмәт!»