ЯҢАЛЫКЛАР
Россия Федерациясе Авыл хуҗалыгы министрлыгы «ЭФ-Интернэшнл» компаниясе белән берлектә «АГРОРУСЬ» XXIV халыкара агросәнәгать күргәзмә-ярминкәсе (Санкт-Петербург шәһәре, «Ленэкспо» күргәзмә комплексы) кысаларында 2015 елның 25 - 28августында «Иң яхшы гаилә терлекчелек фермасы» һәм «Иң яхшы крестьян (фермер)хуҗалыгы» номинацияләре буенча конкурслар уздыра.
Бүген Казанда Татарстан Республикасы Президенты вазыйфасына “Бердәм Россия” партиясеннән кандидат тәкъдим итү өчен кандидатура билгеләү буенча партия эчендә алдан тавыш бирү уздырылды. Праймериз Теннис академиясе мәйданчыгында узды. Чарада барысы 4 меңгә якын кеше катнашты, шул исәптән “Бердәм Россия” Бөтенроссия сәяси партиясенең беренчел бүлекчәләреннән һәм 33 иҗтимагый оешмадан 1636 сайлаучы. Татарстан Республикасы Президенты вазыйфасына праймериз уздыру буенча инициатив төркем рәисе Илгиз Хәйруллин журналистларга хәбәр иткәнчә, сйлаучыларның 98 проценты килгән.
Республиканың Югары Ослан районында кышлыкка терлек азыгы әзерләүдә «Заволжье» АПК ҖЧҖ алда бара. Монда бүгенге көнгә азык әзерләү буенча механикалаштырылган отряд тарафыннан 2,5 мең гектар мәйданда күпьеллык үлән чаптырылган һәм җыелган.