ЯҢАЛЫКЛАР

21 декабрьдә агросәнәгать комплексы өлкәсендә  мәгълүмат  сәясәтен  үстерү  һәм  2018 елга йомгаклар ясау мәсьәләләре буенча АПКның төбәк  органнары  матбугат  секретарьлары  белән   Бөтенроссия  киңәшмәсе  узды,  аны Россия Федерациясе авыл хуҗалыгы министры  киңәшчесе Юрий Косован  уздырды. 

Буа муниципаль районында     авыл  халкының  һәм  кооперациянең  эшлекле  активлыгын  кызыксындыруның  системалы    инструментларын  чыгаруны  килештерү буенча  киңәшмә   узды.  

Авыл  хуҗалыгы  соңгы  елларда Россия  хакимиятләренең  горурлыгына  әверелде,  тармак  ышанычлы  рәвештә  үсә,  авыл  хуҗалыгы  продукциясен  экспортлау  көннән-көн  арта. Җиде  ай  элек  авыл  хуҗалыгы  министры  кәнәфиенә утырган  Дмитрий Патрушев АПКның тагын да үсүенә  шикләнми.   Азык-төлек  экспортлауны  тагын  ничек  ике  мәртәбә  арттыру,  авыл  хуҗалыгы  дипломатиясе  һәм  Америка фермерларының нинди  зыян  күрүләре  турында ул РИА яңалыкларында  сөйләде. Аның  белән әңгәмәне    Дмитрий Киселев  һәм  Антон Мещеряков  алып  бардылар.

Иртәгә, 22 декабрьдә,  Казанда, Чаллыда, шулай ук шулай ук Зеленодольск муниципаль районының  Октябрьский поселогында  авыл хуҗалыгы продукциясен   һәм көндәлек  кирәк-яракларын  сату буенча  гадәттәге   авыл хуҗалыгы  ярминкәләре узачак.

Бүген Алексеевск муниципаль районында “Авыл  хуҗалыгы  җитештерүенең  нәтиҗәлелеген  арттыру  резервлары”  темасына зона семинар-киңәшмәсе  узды. Аны  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры  Марат  Әхмәтов  үткәрде. 

Татарстан  Республикасында  ттар токымлы атлар аерым токым буларак рәсми рәвештә теркәлде. Бу хакта Татарстан Республикасының авыл хуҗалыгы һәм азык-төлек министры урынбасары Нәҗип Хаҗипов терлекчелек тармагы үсеше мәсьәләләренә багышланган матбугат конференциясендә хәбәр итте.

«Бердәм Россия» Татарстан  төбәк  бүлекчәсенең  башкарма  комитетында   «Бакчачы  йорты – гаилә  терәге» төбәк  сәяси  проектының  Иҗтимагый  советы  утырышы узды.  

Татарстан Республикасы авыл хуҗалыгы һәм азык-төлек  министры  урынбасары Илдус Габдрахманов Россия  Федерациясе субъектларында  туфракны известьлау  буенча  эшләр  башкару  мәсьәләләре  турында  видеоконференция режимында  уздырылган киңәшмәдә  катнашты.  Аны   Россия Федерациясе  авыл  хуҗалыгы  министрының  беренче  урынбасары    Джамбулат Хатуов  үткәрде. Чарада  шулай  ук   «Татарский» агрохимия  хезмәте  үзәге” ФДБУ директоры    Әнәс Локманов,  «Әлмәт»  агрохимия  хезмәте  станциясе” ФДБУ директоры Мөстәкыйм Мәмәтов, «Татагрохим» ААҖ генераль директоры Наил Гобәйдуллин катнашты. 

«Зәй шикәре» заводы дөньякүләм  азык-төлек  сәнәгатендә  беренче  булып  «Toyota Engineering Corporation» «көмеш»  дәрәҗәсен  алды. Предприятиенең дөньякүләм чагыштырма  анализы  буенча  аудитны  гомуми  җитештерү  системасы  принциплары  нигезендә “ToyotaEngineering Corporation» компаниясе  директоры  Тосихиро Ямада  үткәрде. «Зәй  шикәре»  ААҖ «TEC»  Россиядә  системасы  буенча көмеш  дәрәҗәсенә  күтәрелгән   икенче  компания,    Татарстан  Республикасында  - беренче  һәм  дөньякүләм  азык-төлек сәнәгатендә беренче булды. Аудит йомгаклары буенча  предприятиенең  күрсәткече 3,89 балл булды, бу дөньякүләм  корпорацияләр  дәрәҗәсенә  туры килә.

14 декабрьдә  «Сыйфат  проблемалары  академиясе» МООның    25 нче    юбилей   конференциясе  кысаларында  Мәскәүдә  «Россиянең  иң  яхшы  100  товары» программасы конкурсында  җиңүчеләргә  югары  бүләкләр  тапшыру  тантанасы  узды.