Иҗтимагый совет утырышынд бакчачылык ширкәтләре объектларын капиталь ремонтлау һәм реконструкцияләү эшләренә йомгаклар буенча фикер алыштылар
«Бердәм Россия» Татарстан төбәк бүлекчәсенең башкарма комитетында «Бакчачы йорты – гаилә терәге» төбәк сәяси проектының Иҗтимагый советы утырышы узды.
Киңәшмәдә Иҗтимагый совет рәисе Дмитрий Воробьев, Татарстан Республикасы Дәүләт Советы депутаты - «Бакчачы йорты – гаилә терәге» “Бердәм Россия” сәяси проектының координаторы Валерий Власов, Татарстан Республикасы Авыл хуҗалыгы һәм азык-төлек министрлыгының җир һәм мөлкәт мөнәсәбәтләре бүлеге башлыгы Александр Дружин, Татарстан Республикасы Бакчачылар берлеге рәисе Владимир Дейнекин, шулай ук Иҗтимагый совет әгъзалары һәм Татарстан Республикасы Бакчачылар берлегенең район ассоциацияләре әгъзалары катнашты.
Утырышта бакчачылык һәм яшелчәчелекне үстерү турында яңа федераль законны гамәлгә кертү, төрле темалар буенча “түгәрәк өстәлләр” уздыру, Татарстан Республикасы Президенты Рөстәм Миңнехановка мөрәҗәгатьләр әзерләү мәсьәләләре каралды.
Җыелыш кысаларында шулай ук 2018 елда бакчачылык җәмгыятьләренең тышкы һәм эчке инженерлык инфраструктурасын ремонтлауның үтәлешенә йомгаклар ясалды.
Татарстан Республикасы Авыл хуҗалыгы һәм азык-төлек министрлыгының җир һәм мөлкәт мөнәсәбәтләре бүлеге башлыгы Александр Дружин утырышта катнашучыларга 2018 елда бакчачылык җәмгыятьләренең тышкы һәм эчке инженерлык инфраструктурасын ремонтлауны финанслашу эшләренең барышы һәм 2019 елга планнар турында мәгълүмат бирде. 2018 елда тышкы инфраструктурасын ремонтлау түбәндәгечә башкарылды: 98 бакчачылык ширкәтендә 48 резервуар һәм 20 скважина ремонтланды, 177 бакчачылык ширкәтендә 130 көнкүреш калдыклары җыю һәм чыгару мәйданчыгы ремонтланды, 65 бакчачылык ширкәтендә 26,229 км керү юллары ремонтланды, 76 бакчачылык ширкәтендә 47 км электр үткәрү линияләре һәм 32 трансформатор подстанциясе реконструкцияләнде.
Финанслашу программасы буенча 2018 елда республика бюджетыннан эчке объектларны, шул исәптән 6,5 км суүткәргеч торбаларын, 31,5 км электр үткәрү линияләрен, 6,4 км юл ремонтлауга 32,3 млн. сум акча бүлеп бирелде.
Киләсе елга 22 муниципаль районда техник су белән тәэмин итү объектларын һәм каты көнкүреш калдыкларын җыю һәм чыгару мәйданчыкларын капиталь ремонтлау планлаштырыла (154 бакчачылык ширкәтендә су белән тәэмин итү объектлары буенча эшләр башкарылачак, 120 бакчачылык ширкәтендә каты көнкүреш калдыкларын җыю һәм чыгару мәйданчыкларында эшләр башкарылачак), 15 муниципаль районда 54 бакчачылык ширкәтендә керү юллары ремонтланачак, 63 бакчачылык ширкәтендә аларның чикләренә кадәр электр челтәре хуҗалыгы объектларын реконструкцияләү эшләре башкарылачак.