ЯҢАЛЫКЛАР
Узган ялларда Татарстан Республикасында соңгы язгы авыл хуҗалыгы ярминкәләре узды. Гадәттәге авыл хуҗалыгы ярминкәләре Казанда 12 мәйданчыкта, Чаллыда 2 мәйданчыкта, Зеленодольск районында 2 мәйданчыкта, Түбән Камада 2 мәйданчыкта һәм Түбән Кама районының Кама Аланы шәһәр тибындагы поселогында 1 мәйданчыкта узды. Шәһәрлеләр Татарстан муниципаль районнарыннан китерелгән ит, йомырка, яшелчә, бал, шикәр, он, ярмаларны һәм фермерларның башка продукциясен арзанрак бәяләрдән сатып ала алдылар.
Татарстанда төнге вакытларда кыска вакытлы кыраулар булырга мөмкин булганлыктан, үсемлекләрне әлеге куркыныч агрометеорологик очракка әзерләргә кирәк. Моның өчен препаратлар, аминокислота һәм микроашламалар, бигрәк тә марганец, шулай ук циркон препараты нәтиҗәле. Мелиорация системасы булган урыннарда үсемлекләргә төнлә су файдалы, аны берничә сәгать алдан эшләргә кирәк (кагыйдә буларак, кырау иртәнге сәгатьләрдә башлана).
Татарстан Республикасы Авыл хуҗалыгы һәм азык-төлек министрлыгы авыл хуҗалыгы кулланучылар кооперативларына һәм эшкәртүчеләргә 2024 елның IV кварталында һәм 2025 елның I кварталында тотылган чыгымнарының бер өлешен каплауга субсидияләр бирү буенча сайлап алуны уздыру өчен гаризалар кабул итү турында игълан итә.
Җиңү юбилее алдыннан Зеленодольск сөт эшкәртү комбинаты Зеленодольск, Чистай һәм Буадан 16 фронтовикка даими ярдәм күрсәтеп тору турында карар кабул итте. Комбинат Бөек Ватан сугышында катнашучыларның һәркайсы ай саен түләүсез нигездә 10 килограммга якын сөт продукты алачак. Җыелмалар составына сөт, кефир, ряженка, эремчек, атланмай һәм башка продукция керәчәк.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов рәислегендә Россия Федерациясе агросәнәгать комплексы хезмәткәрләре һөнәр берлегенең Татарстан республика оешмасының хисап-сайлау конференциясе узды. Чарада Россия Федерациясе агросәнәгать комплексы хезмәткәрләре һөнәр берлеге рәисе Наталья Агапова, Россия Федерациясе агросәнәгать комплексы хезмәткәрләре һөнәр берлегенең Татарстан республика оешмасы рәисе Фәридә Гарифуллина, Татарстан Республикасы һөнәр берлекләре федерациясе рәисе Татьяна Васильева һәм «Чаллы-Бройлер» берләштерелгән башлангыч һөнәр берлеге оешмасы рәисе Алсу Гайнетдинова катнашты.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - министр Марат Җәббаров рәислегендә Төркия Республикасы делегациясе белән эшлекле очрашу узды. Очрашуда шулай ук министр урынбасары Гөлүс Баязитов һәм «Республика инвестицияләр һәм новацияләр агросәнәгать үзәге» АҖ генераль директоры Денис Самодуров һәм Министрлыкның профильле бүлекләре җитәкчеләре катнашты.
Татарстан Республикасы Авыл хуҗалыгы һәм азык-төлек министрлыгының оператив белешмәләреннән күренгәнчә, 23 апрельгә республиканың барлык районнары да язгы кыр эшләренә кереште - бу, иң беренче чиратта, көзге культураларны һәм күпьеллык үләннәрне минераль ашламалар белән тукландыру. Бүгенге көнгә 836,3 мең га мәйданда эш башкарылган. Көзге культураларга 476 мең га мәйданда ашлама кертелгән, бу барлык уҗым культуралары мәйданының 98%ын тәшкил итә. Чәчүлекләрне һәм туңга сөрелгән җирләрне тырмалау 1 млн 954 млн га (78%) мәйданда башкарылган.
21-25 апрель көннәрендә Татарстан Республикасы агросәнәгать комплексы экспортчылары Татарстан Республикасы авыл хуҗалыгы һәм азык-төлек министры урынбасары Рөстәм Гайнуллов рәислегендә Мароккода 17 нче Siam-2025 халыкара авыл хуҗалыгы күргәзмәсендә катнашалар. Күргәзмәнең темасы: “Авыл хуҗалыгы һәм авыл районнары: су ресурслары тотрыклы үсеш үзәгендә”.
15 марттан Татарстан Республикасында гадәттәге авыл хуҗалыгы ярминкәләре эшли башлады, алар Казанда 12 мәйданчыкта, Чаллы шәһәрендә 2 мәйданчыкта, Зеленодольск шәһәрендә 2 мәйданчыкта, Түбән Кама шәһәрендә 2 мәйданчыкта һәм Түбән Кама районының Кама Аланы шәһәр тибындагы поселогында 1 мәйданчыкта уза.
Татарстан Хөкүмәте Йортында узган киңәшмәдә Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров язгы кыр эшләренең барышы турында сөйләде.