ЯҢАЛЫКЛАР
Бүген «Казан Экспо» халыкара күргәзмә үзәгендә «Татарстан Республикасы Дәүләт техника күзәтчелеге идарәсенең 2024 елдагы эшенә йомгаклар һәм 2025 елга бурычлар турында» Татарстан Республикасы Дәүләт техника күзәтчелеге идарәсе коллегиясенең йомгаклау утырышы узды.
Бүген АПК казанышларының «Казан Агро 2025» махсуслаштырылган авыл хуҗалыгы күргәзмәсен ябу тантанасы булды. Күргәзмәдә Россиянең 33 төбәгеннән һәм 10 илдән барлыгы 276 компания катнашты һәм 78 төбәктән 12500 кеше килде. Бу өч көн аралашу, тәҗрибә уртаклашу һәм яңа партнерлар эзләү көннәре булды. Катнашучылар алдынгы агротехнологияләрне, авыл хуҗалыгы техникасы яңалыкларын һәм агросәнәгать комплексы өчен заманча алымнарны күрсәттеләр.
Татарстан Республикасы Авыл хуҗалыгы һәм азык-төлек министрлыгы коллегиясе утырышында бүген Татарстан Республикасы Рәисе Рөстәм Миңнеханов катнашты. Коллегия агросәнәгать комплексының 2024 елгы эшенә йомгаклар ясауга һәм 2025 елга бурычлар билгеләүгә багышланган иде.
Татарстан Республикасы 2024 елда авыл хуҗалыгы продукциясен җитештерү күләме буенча лидер-төбәкләр өчлегенә керде. Бу хакта бүген Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров Татарстан Республикасы Авыл хуҗалыгы һәм азык-төлек министрлыгы коллегиясенең йомгаклау утырышында хәбәр итте.
Бүген Татарстан Республикасы Рәисе Рөстәм Миңнеханов агросәнәгать комплексы казанышларының «Казан Агро 2025» махсуслаштырылган авыл хуҗалыгы күргәзмәсендә булды. Күргәзмә «Казан Экспо» халыкара күргәзмә үзәге территориясендә оештырылган һәм Татарстан Республикасы Авыл хуҗалыгы һәм азык-төлек министрлыгы коллегиясенең йомгаклау утырышына багышланган.
Бүген Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров һәм Россия Федерациясе авыл хуҗалыгы министры урынбасары Максим Боровой Татарстан Республикасы Мамадыш һәм Саба муниципаль районнарының агросәнәгать комплексы предприятиеләрендә булдылар.
Бүген «Казан Экспо» халыкара күргәзмә үзәге территориясендә АПК казанышларының махсуслаштырылган авыл хуҗалыгы күргәзмәсе - «Казан Агро-2025» ачылды. Аны ачу тантанасында Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов, «Август» фирмасы АҖ генераль директоры Михаил Данилов, шулай ук «Аммоний» АҖенең коммерция директоры Дмитрий Чукомин катнашты.
Казахстан Республикасының өлкә акиме урынбасары Абай Куаныш Сөләйманов җитәкчелегендәге делегациясе эш сәфәре белән Татарстан Республикасына килде. Делегация составына шулай ук Абай өлкәсе Мәслихәте аппараты җитәкчесе урынбасары Дастан Мухаев, «Абай өлкәсе Авыл хуҗалыгы идарәсе» ДУ җитәкчесе урынбасары Бауржан Артыкпаев, Абай өлкәсенең социаль-эшкуарлык корпорациясе җитәкчесе Абай Амангельдин, Абай өлкәсе Мәслихәте депутаты Рафаил Хаҗипов һәм Казахстан Республикасының агросәнәгать предприятиеләре вәкилләре кергән.
Бүген Казан дәүләт аграр университеты базасында «МТЗ» уку үзәге ачылды. Аны ачу тантанасында Татарстан Республикасы авыл хуҗалыгы һәм азык-төлек министры урынбасары Рафаэль Фәттахов, Казан ДАУ ректоры Айрат Вәлиев, «Минск трактор заводы» ААҖ генераль директоры Сергей Авраменко, Россия Федерациясендә Казан шәһәрендә Беларусь Республикасы Илчелеге җитәкчесе Виктор Щетько, «ТПК МТЗ-Татарстан» ҖЧҖ генераль директоры Алмаз Әхмәтов, «Татагролизинг» АҖ генераль директоры Азат Җиһаншин катнаштылар.
Татарстан муниципалитетлары агроинженерия, зооветеринария һәм биотехнология юнәлешләре буенча 16 агрокласс оештыруга заявка биргәннәр. Алар «Азык-төлек иминлеген технологик тәэмин итү» яңа илкүләм проекты буенча ачылачак. Бу хакта Татарстан Республикасы Дәүләт Советының Экология, табигатьтән файдалану, агросәнәгать һәм азык-төлек сәясәте комитеты утырышында Татарстан Республикасы авыл хуҗалыгы һәм азык-төлек министры урынбасары Марсель Мәхмүтов хәбәр итте.