ЯҢАЛЫКЛАР
Бүген Истанбулда Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов һәм «Konermak iç ve dış ticaret ltd Şti» Төркия компаниясе генераль директоры Мустафа Озкылыч Татарстан агросәнәгать комплексы өлкәсендәге проектларны гамәлгә ашыруда үзара хезмәттәшлек турында килешүгә кул куйдылар.
Татарстан Республикасы Авыл хуҗалыгы һәм азык-төлек министрлыгы яңа эш башлаучы авыл хуҗалыгы кулланучылар кооперативларына грантлар бирү өчен сайлап алу конкурсында җиңүчеләрне игълан итә. Грантларның гомуми суммасы 75 миллион сум тәшкил итте.
15 майда Лаеш муниципаль районында җирле үзидарә органнары эшенең актуаль мәсьәләләре буенча авыл җирлекләре башлыклары өчен зона уку семинар-киңәшмәсе узды. Анда Татарстан Республикасы муниципаль берәмлекләре Советы рәисе Әгъзам Гобәйдуллин, Лаеш муниципаль районы башлыгы Михаил Афанасьев, Татарстан Республикасы авыл хуҗалыгы һәм азык-төлек министры урынбасары Ришат Хәбипов, Алексеевск, Биектау, Зеленодольск, Лаеш, Питрәч, Балык Бистәсе һәм Спас районнарының авыл җирлекләре башлыклары һәм башка җаваплы затлар катнашты.
15 майда Татарстан Республикасы авыл хуҗалыгы һәм азык-төлек министрының беренче урынбасары Николай Титов рәислегендә Тәтеш һәм Арча районнарында сөт җитештерү, терлекләр санын саклап калу һәм аларны арттыру мәсьәләләре буенча зона семинар-киңәшмәсе узды. Чарада шулай ук Татарстан Республикасы авыл хуҗалыгы һәм азык-төлек министры урынбасары Нәҗип Хаҗипов, муниципаль берәмлекләр башлыклары һәм авыл хуҗалыгы предприятиеләре җитәкчеләре катнашты.
14 майда Казан дәүләт аграр университетында «Авыл хуҗалыгы кулланучылар кооперативлары өчен идарәчел кадрлар әзерләү» темасына түгәрәк өстәл узды, аны «Татарстан Республикасында авыл хуҗалыгы кооперациясен үстерү буенча компетенцияләр үзәге» ДБУ, Казан дәүләт аграр университетының Икътисад институты, Кластер белеме һәм проектлар белән идарә итү үзәге оештырды. Чарада Казан шәһәре югары уку йортларының икътисад факультетлары мөгаллимнәре, республика аграр көллиятләре һәм авыл хуҗалыгы техникумнары җитәкчеләре һәм белгечләре катнашты.
15 майда Казанда АгроНТИ-2019 Бөтенроссия конкурсының төбәк этабын ачу тантанасы узды. Төбәк этабы Татарстан Республикасы Авыл хуҗалыгы һәм азык-төлек министрлыгы ярдәмендә Казан дәүләт аграр университеты базасында 15-16 майда узачак. Конкурс авыл мәктәпләренең 5-11 сыйныф укучылары арасында уза. Ике көн дәвамында балалар вәзгыяти команда биремнәрен чишәләр һәм алар мөстәкыйль рәвештә үзләренең агрокоптерларын, роботларын һәм метеоҗайланмаларын җыя алалар.
Россия Федерациясе Авыл хуҗалыгы министрлыгының оператив белешмәләре буенча 6 майга тәүлеклек сөт савымы күләмнәре буенча Россия төбәкләре арасында иң югары күрсәткечләр Татарстан Республикасында – 3,5 мең тонна. Бу күрсәткеч буенча икенче урында Краснодар крае – 2,7 мең тонна, ә өченче урында Воронеж өлкәсе – 2,2 мең тонна.
14 майда Татарстан Республикасы Авыл хуҗалыгы һәм азык-төлек министрлыгында министрның беренче урынбасары Николай Титов рәислегендә Татарстан Республикасы Авыл хуҗалыгы һәм азык-төлек министрлыгының авыл хуҗалыгы идарәләренең һәм ведомство оешмаларының кадрлар хезмәткәрләре белән киңәшмә узды. Чарада шулай ук Казан дәүләт аграр университеты һәм Н.Э.Бауман ис. Казан дәүләт ветеринария медицинасы академиясе вәкилләре катнашты. Югары уку йортларына укырга кабул итү башланыр алдыннан аларның кадрлар хезмәткәрләренә абитуриентларны максатчан кабул итүнең яңа кагыйдәләре аңлатылды.
14 майда Татарстан Республикасы Авыл хуҗалыгы һәм азык-төлек министрлыгы терлекчелек тармагының 2019 елдагы 4 айлык эшенә йомгаклар ясады. Киңәшмәне Министрлыкның терлекчелек тармагын үстерү бүлеге башлыгы Сирень Нигъмәтҗанов үткәрде.
Алабуга районына эш сәфәре кысаларында Татарстан Республикасы Президенты Рөстәм Миңнеханов һәм Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов «Алабуга» күпләп-ваклап бүлү үзәге төзелә башлау тантанасында катнаштылар.