ЯҢАЛЫКЛАР
Татарстан Республикасы Авыл хуҗалыгы һәм азык-төлек министрлыгында Татарстан Республикасының муниципаль хезмәткәрләре стажировка уздылар. Биш кеше - Татарстан Республикасы Авыл хуҗалыгы һәм азык-төлек министрлыгының Апас, Лаеш, Чирмешән, Мөслим һәм Кайбыч районнарындагы авыл хуҗалыгы һәм азык-төлек идарәләре хезмәткәрләре финанс ярдәме алу өчен кирәкле документлар пакетын рәсмиләштерергә һәм экспертиза уздырырга өйрәнделәр.
“Карьера остаханәсе” – ул һөнәри юнәлеш бирү буенча бушлай онлайн-курс. Курсны тыңлаучылар җиде көн эчендә һөнәри максатларны дөрес куярга һәм карьераны планлаштырырга өйрәнәчәкләр, үзләренең көчле якларын билгеләячәкләр һәм үзләре өчен туры килә торган һөнәрне үстерү буенча озак вакытка исәпләнгән план корачаклар.
Татарстан Республикасы Авыл хуҗалыгы һәм азык-төлек министрлыгында 2022 елда Татарстан Республикасында куллануга кертелгән селекция казанышларының дәүләт реестрына үзгәрешләр кертү турындагы тәкъдимнәрне карау буенча төбәк комиссиясе утырышы узды. Киңәшмә Татарстан Республикасы авыл хуҗалыгы һәм азык-төлек министры урынбасары Илдус Габдрахманов рәислегендә узды.
Агросәнәгать комплексы предприятиеләре AgroCode Awards беренче бөтенроссия премиясен алу конкурсында катнашуга чакырылалар. Премия аграр тармакта (AgroTech) иң нәтиҗәле һәм технологик чишелешләр тапкан үз компанияләребезне һәм белгечләребезне ачыкларга мөмкинлек бирәчәк. Моны авыл хуҗалыгын цифрлаштыруга ярдәм итү кысаларында Россельхозбанк оештыра.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер - министры урынбасары - Татарстан Республикасы авыл хуҗалыгы һәм азык-төлек министры Марат Җәббаров рәислегендә 2022 елгы чәчү кампаниясен минераль ашламалар белән тәэмин итү мәсьәләләре буенча республика муниципаль районнары белән Zoom форматындагы киңәшмә узды.
Бүген Татарстан Республикасы Премьер-министры урынбасары - Татарстан Республикасы апвыл хуҗалыгы һәм азык-төлек министры Марат Җәббаров Росаккредитация җитәкчесе урынбасары Дмитрий Гоголев белән очрашты.
2021 елның 9 аенда Россельхозбанкның Татарстан филиалы агросәнәгать комплексына 14,3 млрд. сум кредит биргән. Әлеге акчалардан 13,5 млрд. сум ташламалы ставка буенча алынган. Ташламалы кредит бирү күләме 1,6 млрд. сумга арткан, ә аны бирү өлеше 13 процент пунктка арткан. Гомумән алганда, ил буенча 2021 елның 9 аенда Россельхозбанк агросәнәгать комплексына 1,2 трлн. сум кредит акчалары биргән, бу әлеге чор өчен рекордлы күләм.
Яшел Үзән сөт эшкәртү комбинаты һәм «Альпина Паблишер» федераль нәшрияты балалар өчен «Обними меня» исемле китап чыгарды. Китапның тиражы - 3500 данә.
Россия Федерациясе Авыл хуҗалыгы министрлыгы тарафыннан ел саен үткәрелә торган «Минем җирем – Россия» Бөтенроссия конкурсы дәгъва кылучылардан гаризалар кабул итүне дәвам итә. Хәзерге вакытта конкурста катнашуга массакүләм мәгълүмат чаралары вәкилләреннән 100дән артык гариза кабул ителгән. Гаризалар 2021 елның 31 октябренә кадәр кабул ителә. Әлеге чорда Россия массакүләм мәгълүмат чаралары журналистлары, хосусый авторлар, блогерлар һәм фотокорреспондентлар авыл тематикасы буенча үз проектларын тәкъдим итә алалар.
Бакчада җиләк-җимеш агачларын һәм куакларын кисәр вакыт җитте. Кайбер үсемлекләрне кышкы сынауларга дөрес әзерләргә кирәк, икенчеләре вегетация чорында стихиядән зыян күрергә өлгергән һәм аларга ашыгыч рәвештә белгеч катнашуы таләп ителә. Көзен агачларны ничек дөрес итеп кисәргә кирәклеге турында «Россия авыл хуҗалыгы үзәге» ФДБУнең Татарстан Республикасы филиалы җитәкчесе урынбасары Любовь Занина сөйли.