ЯҢАЛЫКЛАР

Бүген Казанда фермер хәрәкәтенең 30 еллыгына багышланган тантаналы чара уза. Кукмара, Нурлат, Зәй, Спас, Мөслим, Минзәлә, Лаеш районнары фермерлары ит һәм сөт продукциясе, казылык әйберләре, сырлар, ярымфабрикатлар, туңдырылган җиләк-җимеш, кондитер әйберләре, бал, икмәк-күмәч әйберләре алып килгәннәр.

Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов җитәкчелегендәге Татарстан делегациясе Башкортостан Республикасында уза торган «АгроКомплекс» халыкара махсуслаштырылган күргәзмәсендә һәм агросәнәгать форумында катнаша.

Бүген Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов «Ак Барс» холдинг компаниясе вәкилләре белән бергә бөтен Россия буенча газ-мотор техникасын җитештерү, сервис һәм сату белән шөгыльләнүче «РариТЭК» предприятиесендә булды. "РариТЭК" - үз эшләнмәләре һәм җитештерү-техник базасы булган алдынгы предприятие.

Бүген Татарстан Республикасы Авыл хуҗалыгы һәм азык-төлек министрлыгында Татарстан сөт җитештерүчеләр берлеге идарәсенең «Россия Федерациясендә һәм Татарстан Республикасында сөт тармагын үстерү перспективалары» темасына киңәйтелгән утырышы узды. Утырышны Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров үткәрде. Чарада Илкүләм сөт җитештерүчеләр берлеге генераль директоры Артем Белов, Татарстанның сөт җитештерүчеләр берлеге генераль директоры Денис Пирогов, шулай ук республиканың әйдәүче сөт җитештерүчеләре һәм эшкәртүчеләре катнашты.

Татарстан авыл ипотекасын бирү күләме буенча Россия төбәкләре арасында тотрыклы рәвештә лидерлыкны тота, 2159 гаилә торак сатып алу һәм төзү өчен акча белән тәэмин ителгән. 2021 елда республикада 466 гаилә бу программадан файдаланган инде, кредитлауның гомуми суммасы якынча 993 млн.сум тәшкил итә.

Тукай районында «Техниканы 2021 елгы кыр эшләренә әзерләү» темасына республика инженерия конференциясе узды, анда Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов һәм районнарның авыл хуҗалыгы идарәләре белгечләре катнашты. Чараның гамәли өлешендә министр урынбасары «Чаллы-Кировец», «Кама Механика», «РариТЭК» предприятиеләренең җитештерү мәйданчыкларын карады.

Бүген Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров Н.Э.Бауман ис. Казан дәүләт ветеринария медицинасы академиясе студентлары белән очрашты.

Бүген Татарстан Республикасы Авыл хуҗалыгы һәм азык-төлек министры урынбасары Илдус Габдрахманов мелиорация буенча федераль һәм төбәк программаларын гамәлгә ашыру буенча киңәшмәдә катнашты.

Бүген Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров «Ак Барс» һәм «Красный Восток» холдинг компанияләре вәкилләре белән киңәшмә үткәрде. Очрашу барышында авыл хуҗалыгы предприятиеләре җитәкчеләре игенчелек өлкәсендә киләчәккә планнар белән уртаклаштылар. «Контроль сәгате» форматында узган киңәшмә эшендә шулай ук министр урынбасарлары Илдус Габдрахманов, Рафаэль Фәттахов, район башлыклары, предприятие үз эшчәнлеген алып бара торган авыл хуҗалыгы идарәләре башлыклары катнашты.

Без атна саен авылда үз эшләрен башлап җибәреп, аякларында нык торучы һәм яраткан эшләре белән шөгыльләнүче кешеләр, эшкуарлар, гаилә фермалары турында язабыз. Шундый кешеләрнең берсе – Татарстанда онытылган бөртекле культура – борай игүне торгызган Марат Фәсхиев.