ЯҢАЛЫКЛАР
Татарстан Республикасында гражданлык җәмгыяте институтларын үстерүгә керткән өлеш өчен Татарстан Республикасы Рәисе премиясен бирү комитеты Татарстан Республикасы Рәисе премиясенә дәгъва кылуга документлар кабул итү башлану турында хәбәр итә
Бүген Татарстан Республикасы Актаныш муниципаль районында терлекчелек һәм терлек азыгы җитештерү буенча зона семинар-киңәшмәсе узды. Анда Татарстан Республикасы авыл хуҗалыгы һәм азык-төлек министры урынбасарлары Гөлүс Баязитов һәм Марат Кәримов, Татарстан Республикасы Актаныш муниципаль районы башлыгы Ленар Зарипов, «Россия Авыл хуҗалыгы үзәге» ФДБУнең Татарстан Республикасы филиалы җитәкчесе урынбасары Рәфис Хәбибуллин, шулай ук республика муниципаль районнарының авыл хуҗалыгы һәм азык-төлек идарәләре, ветеринария хезмәте җитәкчеләре һәм белгечләре, агросәнәгать комплексы предприятиеләре хезмәткәрләре катнашты.
Белем көнендә Татарстан Республикасының Алексеевск, Аксубай һәм Чүпрәле муниципаль районнарында «Азык-төлек иминлеген технологик тәэмин итү» илкүләм проектының «Агросәнәгать комплексында кадрлар» федераль проекты буенча агротехнологик класслар ачылды.
Экспортерларга тышкы базарларга чыгуда ярдәм итү өчен Россия Федерациясе Авыл хуҗалыгы министрлыгы каршындагы «Агроэкспорт» федераль дәүләт бюджет учреждениесе тарафыннан АПК компанияләре өчен бушлай экспортка комплекслы ярдәм сервисы гамәлгә ашырыла.
Татарстан Республикасында урып-җыю кампаниясе 78%ка төгәлләнгән - игеннәр 861 мең гектарда суктырылган, 3 млн тоннадан артык бөртекле культуралар җыелган, уртача уңдырышлылык - 35,3 ц/га. Урып-җыю кампаниясендә 3100 ашлык җыю комбайны эшли.
Бүген Татарстан Республикасы Минзәлә муниципаль районында «Авыл территорияләрен комплекслы үстерү» дәүләт программасын гамәлгә ашыру кысаларында «Мирас» күп профильле гимназиясе һәм «Алга» спорт комплексы ачылды.
Бүген 1 сентябрьдә Казан дәүләт аграр университетының «Тулпар» стадионында Белем көненә багышланган тантаналы линейка узды. Бәйрәм игелекле инициатива — «Белем Агачы» акциясе белән башланып китте, ул алга таба университетның яңа традициясенә әверелер, дип көтелә.
«Логика молока» компаниясе Казанда «Эдельвейс» җитештерү мәйданчыгында коры сөт җитештерү цехын төзүнең соңгы этабында. Сөт киптерү проектына инвестицияләрнең гомуми күләме 800 млн сумнан артып китә, шуның 300 млн сумы турыдан-туры яңа цех төзүгә һәм аны технологик җиһазлауга юнәлдерелгән. Җитештерү цехын сынап карау 2026 елның октябренә планлаштырылган.
Татарстан Республикасы Балык Бистәсе муниципаль районында Татарстан Республикасы агросәнәгать комплексы ветераны Рафаил Шәйхиевны котладылар.
«Авыл территорияләрен комплекслы үстерү» дәүләт программасы кысаларында Россия Федерациясе Авыл хуҗалыгы министрлыгы тарафыннан оештырылган «МедиаПоле» мәгълүмати проектларның Илкүләм премиясенә гаризалар кабул итү дәвам итә, алар 30 сентябрьгә кадәр кабул ителә. Бу блогерлар һәм массакүләм мәгълүмат чаралары вәкилләре өчен профессиональ танылу, медиаиндустриянең әйдәп баручы экспертлары белән танышу һәм үз медиапроектларын үстерү өчен ярдәм алу мөмкинлеге.