ЯҢАЛЫКЛАР
Татарстан Рәисе Рөстәм Миңнеханов традиция буенча «Казан Экспо» мәйданчыгында оештырылган «АГРОВОЛГА - 2025» халыкара агросәнәгать күргәзмәсендә катнашты.
Бүген «Казан Экспо» халыкара күргәзмә үзәге территориясендә «Агроволга - 2025» халыкара агросәнәгать күргәзмәсе эшли башлады. Быелгы күргәзмә бишенчесе һәм 48 гектардан артык территориядә 27 илдән катнашучыларны берләштерә.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов рәислегендә Дәүләт граждан хезмәткәрләренең хезмәт тәртибенә таләпләрне үтәү һәм мәнфәгатьләр конфликтын җайга салу комиссиясенең утырышы узды. Комиссия утырышында шулай ук Республика Рәисенең Коррупциягә каршы сәясәт мәсьәләләре идарәсенең коррупциягә каршы мониторинг бүлеге мөдире Рөстәм Гаязов катнашты.
12 - 13 июльдә «Казан» гаилә үзәге территориясендә «Тәмле Казан» фестивале белән берлектә «Россия тәмнәре» гастрономия фестивале узачак. Аның төп миссиясе - кулланучыларны Россиянең төрле тәмле ризыклары белән белән таныштыру һәм азык-төлек продуктларының төбәк брендларын үстерү мөмкинлеген күрсәтү.
Гаилә, мәхәббәт һәм тугрылык көнендә Зеленодольск сөт эшкәртү комбинаты «Гаилә бергә» хәйрия фонды карамагындагы гаиләләрне котлады. Аларда Татарстан Сәламәтлек саклау министрлыгының Республика балалар клиник хастаханәсендә озак вакыт дәвалану уза торган балалар тәрбияләнә. Терапия вакытында алар әти-әниләре белән бергә Республика балалар клиник хастаханәсе каршындагы «Дом вдали от дома» гаилә кунакханәсендә бушлай яшиләр.
Узган ялларда Татарстан Республикасы Ютазы муниципаль районының Әбсәләм авылында төрки телле халыкларның «Кымыз бәйрәме - 2025» III төбәкара иҗат фестивале узды. Чарада Татарстан Республикасы авыл хуҗалыгы һәм азык-төлек министры урынбасары Гөлүс Баязитов катнашты.
Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров җитәкчелегендәге Татарстан Республикасы Авыл хуҗалыгы һәм азык-төлек министрлыгы делегациясе эш сәфәре белән Төркия Республикасының Анталия шәһәрендә булды.
Бүген Халыкара кооперативлар көненә, Россия кулланучылар кооперациясенең 194 еллыгына һәм Татпотребсоюз оешуга 109 ел тулуга багышланган тантаналы чара узды. Анда Татарстан Республикасы Дәүләт Советы Рәисе урынбасары Марат Әхмәтов, Россия Федерациясе Федераль Собраниесе Дәүләт Думасы депутаты Анатолий Иванов, Россия Федерациясе Үзәк берлеге Советы Рәисе урынбасары Виталий Бродский, Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов катнашты.
Татарстан Республикасы Авыл хуҗалыгы һәм азык-төлек министрлыгы крестьян (фермер) хуҗалыклары һәм шәхси эшкуарлар өчен аларның гаилә фермасын үстерүгә чыгымнарын федераль бюджеттан финанслауга 2025 елның 4 июлендә 8.00 сәгатьтән алып 2025 елның 4 августында 17:00 сәгатькә кадәр сайлап алу уздыру турында игълан итә.
2025 елның 10 июлендә Казанда «АГРОВОЛГА-2025» халыкара агросәнәгать күргәзмәсе кысаларында Россия кооперация университетының Казан кооператив институтының «Төбәктә агротуризмның перспектив юнәлешләре һәм авыл хуҗалыгы кулланучылар кооперациясен үстерү» темасына түгәрәк өстәле узачак.