ЯҢАЛЫКЛАР
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - авыл хуҗалыгы һәм азык-төлек министры Марат Җәббаров рәислегендә Татарстан Республикасының агросәнәгать комплексы мәсьәләләре буенча видеоконференция элемтә режимында киңәшмә узды. Анда Министр урынбасарлары, муниципаль районнар башлыклары, авыл хуҗалыгы һәм азык-төлек идарәләре башлыклары, Министрлыкның бүлек башлыклары һәм эре инвесторлар катнашты.
Бүген Министрлыкта Оман Солтанлыгы делегациясе белән эшлекле очрашу узды. Анда Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы Рәисе ярдәмчесе Газинур Бакиров, Татарстан Республикасы Рәисе ярдәмчесе – «Россия - ислам дөньясы» стратегик караш төркеме рәисе урынбасары Марат Гатин катнашты.
Бүген Татарстан Республикасы Авыл хуҗалыгы һәм азык-төлек министрлыгында авыл мәктәпләрен тәмамлаучыларны югары аграр белем бирү мәгариф оешмаларында максатчан укытуга җәлеп итү мәсьәләләре буенча киңәшмә узды. Анда Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров, министрның беренче урынбасары Ленар Гарипов һәм «Казан дәүләт аграр университеты» югары һөнәри белем бирү ФДБМУ ректоры вазыйфаларын вакытлыча башкаручы Илшат Нуриев катнашты.
Узган атнада Кытай Халык Республикасы делегациясе эш сәфәре белән Татарстан Республикасында булды. Аларны «Татарстан Республикасында авыл хуҗалыгы кооперациясен үстерү буенча компетенцияләр үзәге» ДБУ директоры Диләрә Шувалова озата йөрде.
Узган атна ахырында Татарстан Республикасы Авыл хуҗалыгы һәм азык-төлек министрлыгында республика фермерлары белән очрашу узды. Чара Россия Федерациясе авыл хуҗалыгы министры урынбасары Ксения Шевелкина рәислегендә узды. Анда шулай ук Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров, Россия Федерациясе Авыл хуҗалыгы министрлыгының Авыл территорияләрен үстерү департаменты директоры урынбасары Рената Бибарсова һәм «Халык фермеры» ассоциациясе Советы рәисе Олег Сирота катнашты.
Буа, Спас һәм Алексеевск районнары хуҗалыклары көзге бодайны суктырып карарга керештеләр. Көзге культураларны күпләп суктыруга өлгерү дәрәҗәсенә карап чыгу планлаштырыла.
Мордовиядә «Һөнәре буенча иң яхшы» Бөтенроссия конкурсының «Агроном» номинациясендә федераль этабы тәмамланды, анда Татарстанның Актаныш районыннан «Нигез» авыл хуҗалыгы предприятиесенең баш агрономы Рүзил Зәкиев җиңү яулады. Ул, бөтен илдән көндәшләрен узып, үзенең югары һөнәри осталык дәрәҗәсен күрсәтте.
Татарстан Республикасы Россия төбәкләре арасында лизингка алынган авыл хуҗалыгы техникасы күләме буенча компаниянең бөтен тарихы буена беренче урында тора. Бу хакта Росагролизинг генераль директоры Павел Косов Казанда узган «Агроволга» халыкара күргәзмәсе барышында белдерде.
Бүген Казанда «Тәмле Россия × Тәмле Казан» масштаблы гастрономия фестивале старт алды, ул бөтен илдән килгән тәмле һәм сыйфатлы продукцияне бәяләүчеләр өчен чын бәйрәмгә әверелде. Үз тарихында беренче мәртәбә фестиваль Мәскәү чигеннән чыгып Татарстан башкаласында оештырылды. Тантаналы ачылышта Россия Федерациясе Авыл хуҗалыгы министры урынбасары Ксения Щевелкина һәм Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров катнашты.
Бүген «Казан Экспо» халыкара күргәзмә үзәгендә «Агроволга-2025» халыкара агросәнәгать күргәзмәсен рәсми ябу тантанасы узды. Анда Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов катнашты. Ул 7 илдән 380 компанияне берләштерде, шул исәптән Ираннан 18 компания һәм Кытайдан 12 компания килгән иде. Өч көн эчендә күргәзмәдә дөньяның 28 иленнән һәм Россиянең 81 төбәгеннән 13000нән артык кеше булды.