ЯҢАЛЫКЛАР

Урып-җыю кампаниясенең  барышы  Татарстан  Республикасы Авыл хуҗалыгы  һәм азык-төлек  министрлыгының  аерым    контролендә  тора. Татарстан  Республикасы Авыл хуҗалыгы  һәм азык-төлек  министрлыгының     оператив белешмәләре  буенча  бүгенге көнгә  республиканың  4 районы    бөртекле  культуралар җыюны  төгәлләделәр,  болар:    Нурлат, Апас, Кайбыч һәм Зәй  районнары. 

Татарстан  Республикасы Авыл хуҗалыгы  һәм азык-төлек  министрлыгы республика  халкын  Бакчачы  көне  белән  котлый!  Татарстан  Республикасы Авыл хуҗалыгы  һәм азык-төлек  министрлыгы республика  халкын  Бакчачы  көне  белән  котлый! 

Бу  ел җәенең  һава  торышы    игенчеләр өчен  шактый  күп  сюрпризлар  китерде.  Әмма,  ничек кенә булмасын,  алар  кыр-басулардагы  уңышны  җыеп алуны  вакытында тәмамларга  тырышалар.   Алар  алдына  бер  бурыч куелган  – кырларның  һәр гектарыннан  югары һәм сыйфатлы  уңыш  алуга  ирешү.

Республикада  бөртекле  һәм кузаклы  культуралар    1,4 млн гектардан  артык  мәйданда  җыелды,  бу  барлык  чәчүлекләрнең 84%ын  тәшкил итә.    Әтнә районы  республикада  беренчеләрдән  булып  көзге  культуралар  чәчүне  төгәлләде,  ә Апас районы  Татарстанда  икенче  булып  бөртекле  һәм кузаклы  культуралар  урып-җыюны  төгәлләде.  Җыелган  барлык  мәйдан    27,3 мең  га  тәшкил  итә.  Районда  тулаем  ашлык  җыемы    83,3 мең  тонна  булды, уртача  уңыш  – 30,7 ц/га, бу  республика буенча  бер гектардан бүгенге уртача  күрсәткечтән    0,5 центнерга  күбрәк.

Балтач районының  да  урып-җыю күрсәткечләре   республика буенча  уртача  күрсәткечләрдән   югарырак.  Август  азагында   һава шартлары яхшыру аркасында   игенчеләр  урып-җыю  темпларын  яхшырта  алдылар.     «Алга»  ҖЧҖ беренчеләрдән булып урып-җыюны  төгәлләде.  Башка хуҗалыкларда  да  эш  бик кызу  бара,  экваторны  узган  булсалар да,    финишка  ераграк әле,  тагын     23% мәйданны  җыясы бар.  Шуңа  күрә  комбайнчылар  көн-төн эшлиләр.  

Урып-җыюны  вакытында  тәмамлау  гына түгел,  ә аны  сыйфатлы  һәм  югалтуларсыз  җыеп алу  бик  мөһим.   Мәсәлән,  Минзәлә  районында   бер  гектардан  уртача     38,2 центнер  уңыш чыга,  бу  республика  буенча  уртача  күләмнән югарырак.  Һичшиксез, уңыш  күрсәткечләре –    ел  буена эшләү  нәтиҗәсе,  әмма ул  комбайнчылар эшенә  дә  нык  бәйле.  

Республикада  бөртекле  культуралар    1 млн гектардан  артык  мәйданда  җыелды,  бу  барлык  мәйданның   75%ын  тәшкил  итә.     Нурлат  районы   Татарстанда  беренче  булып  32,2 мең  га мәйданда   бөртекле  һәм кузаклы  культуралар  җыюны  төгәлләде.  Районда  тулаем  җыелган  ашлык  күләме    103,5 мең  тонна  тәшкил  итте, уртача уңыш  – 32,2 ц/га, бу  республика буенча  уртача  күләмнән   2 центнерга  артык. 

Быел  урак  яңгыр    һәм  шактый  түбән  температура  тамгасы астында  бара.   Механизаторларга еш  кына  кырга  чыгып эшләр  “кояш тәрәзәсе” ачылганны  көтеп алырга  туры  килә.  АПК хезмәткәрләре һөнәр берлегенең республика комитеты   шундый көннәрдә  механизаторларның күңелен  күтәрү һәм урак  алдынгыларын  котлау    өчен  районнарга  чыкты.   Һөнәр берлегенең республика комитеты   рәисе Фәридә Гарифуллина узган  атнада  Тукай, Актаныш, Мөслим һәм  Сарман  районнарында  булды.    

Арча  районы  кырларында  бөртекле  культураларны  җыю  ахырына  якынлашып  килә.        40,9 мең га мәйданда  ашлык  җыелган,  бу  гомуми планның    74 %ын  тәшкил  итә. 

Республика көнен  Ютазы  районының «Фәйзрахманов», «Гәрәев», «Уңыш», «Насыйбуллин», «Әхмәтшина», «Галиев» һәм  «Хәйретдинов» агрофирмалары  урып-җыю  эшләрен  тәмамлаган  килеш  каршылыйлар.