ЯҢАЛЫКЛАР

Без атна саен, Татарстан Республикасы Авыл хуҗалыгы һәм азык-төлек министрлыгы ярдәме белән авылда үз бизнесын ачып, аякларында нык тотучы һәм киләчәккә зур ышаныч белән караучы кешеләр турында язабыз. Мөслим районында бөтенләй уникаль тәҗрибә тупланган. Анда яңа эш башлаучы эшкуарлар һәм шәхси ярдәмче хуҗалыклар казларны "арендага" алырга һәм үз көчләрен фермер ролендә сынап карарга мөмкин.

Исегезгә төшерәбез, 12 сентябрьдә Татарстанда көзге ярминкәләр эшли башлады, алар Яңа елга кадәр шимбә көннәрендә атна саен үткәрелә. Республика халкы Яңа ел бәйрәмнәреннән соң да авыл хуҗалыгы продукциясен Казанның махсус чатыр мәйданчыкларында сатып ала алачак.

Татарстан Республикасы Авыл хуҗалыгы һәм азык-төлек министрлыгы хәбәр итүенчә, 7 декабрьдә 19:00 сәгатьтә «Агрополия» бердәм белем бирү платформасында төбәкара стажировкалар һәм кооператив идарәчеләре өчен тәҗрибә уртаклашу системасына багышланган бушлай вебинар узачак.

«Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында Татарстан Республикасы Авыл хуҗалыгы һәм азык-төлек министрлыгы ярдәмен алган 64 фермер быел яшелчәләр үстерәләр, товар балыклары үрчетәләр, умартачылык, ат үрчетү белән шөгыльләнәләр, сөт һәм ит терлекчелегендә эшлиләр. Соңгы юнәлешне Апас районыннан Данил Вильданов та сайлады.

Татарстан Республикасы Премьер-министры Алексей Песошин Казанның Авиатөзелеш һәм Киров районнарында авыл хуҗалыгы ярминкәләрен карап чыкты. ТР Хөкүмәте башлыгы белән бергә ТР авыл хуҗалыгы һәм азык-төлек министрының беренче урынбасары Наил Залаков һәм Казан Башкарма комитеты җитәкчесе Рөстәм Гафаров йөрделәр.

Бүген ТР Дәүләт Советы Рәисе Фәрит Мөхәммәтшин Казанның Яңа Савин районында Ямашев урамындагы мәйданчыкта оештырылган авыл хуҗалыгы ярминкәсендә булды.

Россельхозбанк "АҖенең Татарстан төбәк филиалы «Авыл территорияләрен комплекслы үстерү" программасы кысаларында 3 млрд. сум күләмендә 1300дән артык ипотека кредиты биргән.

Авыл хуҗалыгы кулланучылар кооперативлары - фермерларның уңышлы эшчәнлеген законлы дәвам итү. Соңгы елларда авыл хуҗалыгы бизнесы өлкәсендә кулланучылар кооперативларының зур популярлык казануы очраклы гына түгел - фермерлар эшне нәтиҗәлерәк алып бару һәм үз продукцияләрен уңышлы сату өчен берләшәләр. Шундый мисалларның берсе - Аксубай районының «Аксубай» авыл хуҗалыгы кооперативы.

Татарстан Республикасы Авыл хуҗалыгы һәм азык-төлек министрлыгы республика халкын кулай бәяләрдән авыл хуҗалыгы продукциясе сатып алу өчен шимбә көнне, 5 декабрьдә, Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексында) уза торган ярминкәләргә чакыра, алар иртәнге сәгать 6дан эшли башлый. Шәһәр халкы Татарстанның муниципаль районнарыннан китерелгән ит, казылык әйберләрен, үлчәүле сөт, сыр, май, йомырка, яшелчәләр, бал, шикәр, он, ярмалар һәм авыл хуҗалыгы товар җитештерүчеләре китергән башка фермер продукциясен сатып ала алалар.

Бүген Тукай районында Татарстан Республикасының база хуҗалыкларында сөт терлекчелеген цифрлаштыру буенча семинар-киңәшмә узды, анда Татарстан Республикасы Авыл хуҗалыгы һәм азык-төлек министры урынбасары Ленар Гарипов, Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов, район башлыгы Фаил Камаев, республиканың 11 районыннан авыл хуҗалыгы идарәләре, ветеринария берләшмәләре башлыклары һәм белгечләре, шулай ук республиканың база хуҗалыклары җитәкчеләре һәм белгечләре катнашты.