ЯҢАЛЫКЛАР
Тукай муниципаль районындагы фермер Минталий Миңнеханов районда беренчеләрдән булып уракны тәмамлаган. 300 гектарда игелгән бодай һәм арыштан тулаем 900 тонна бөртек җыеп алган. Уракны аяз көннәрдә тәмамлап, дәүләткә 700 тонна сыйфатлы ашлык тапшырган.
Бүген Татарстан Президенты Рөстәм Миңнеханов Биектау һәм Әтнә муниципаль районнарында урып-җыю эшләренең барышы белән танышты. Республика Президентын ТР Премьер-министр урынбасары – ТР авыл хуҗалыгы һәм азык-төлек министры Марат Әхмәтов, ТР Президенты ярдәмчесе Айрат Хәйруллин озатып йөрде.
«Кама Тамагы» АХПның Олы Салтык бүлекчәсендә уҗым культуралары белән эшли беләләр. Моны быелгы коры ел күрсәтте. Мәсәлән, Даныш янынңдагы 67 гектар мәйдандагы «Татьяна» сортлы көзге арыш гектарыннан 48 центнер уңыш биргән, башка участоклардан 40-42 центнер алганнар. Биредә көзге игеннәр, борчак, солы тулысы белән җыеп алынган. Уңышы азрак булган сабан культураларын суктыруга керешкәннәр.
Дүшәмбе көнне Нурлат муниципаль районының “Южная” агрофирмасы базасында Кама аръягы районнары авыл хуҗалыгы белгечләренең зона семинары үтте. Семинарда Татарстан Республикасы авыл хуҗалыгы һәм азык-төлек министрының игенчелек буенча урынбасары Илдус Габдрахманов та катнашты.
Бүген Татарстан Президенты Рөстәм Миңнеханов республиканың Буа муниципаль районында уңышны җыеп алу барышы белән танышты. Рөстәм Миңнеханов вертолеттан бөртеклеләрне суктыру эше барышын карагач, районның хуҗалык һәм авыл җирлелкәре җитәкчеләре белән очрашты. Очрашу “Ак Барс агро” агрохолдингы авыл хуҗалыгы берләшмәләренең берсе “Авангард” ҖЧҖ кырында узды. Хәзерге вакытта хуҗалык кырларында арпа суктыралар.
2013 елның 25 августына кадәр Казан шәһәренең Спорт сараенда – бал ярминкәсе дәвам итәчәк. Республика халкына бал һәм умартачылыкның башка продукциясе белән җирле һәм Россиянең башка төбәкләреннән килгән товар җитештерүчеләр хезмәт күрсәтә.
Агымдагы елның 22-24 октябрь көннәрендә Алтай өлкәсенең Барнаул шәһәрендә авыл яшьләренең V Бөтенроссия слёты узачак. Әлеге ел саен оештырылып килүче чарада авыл яшьләре илнең яңа аграр технологияләре белән таныша алачак. Слётның төп максаты булып тәҗрибә уртаклашу, кече һәм урта эшмәкәрлектә килеп туган проблемага анализ ясау, нәтиҗәләр белән уртаклашу, шулай ук яшьләргә әлеге өлкәдә беренче адымнарында ярдәм ярдәм итү тора.
2013 елның 12 августына алынган оператив мәгълүматлар буенча Татарстанда урып-җыю эшләре башланганнан алып, ашлыкның 49 проценты җыеп алынган, 787,5 мең га суктырылган. Гомумән 1537,0 мең. т ашлык җыелган.
Татарстанда Африка дуңгыз чумасын кертмәү өчен чаралар күрәләр. Дуңгыз комплекслары ябык эш режимына күчә. Әлегә 91 дуңгызчылык предприятиесе бу режимга күчмәгән, дип белдерде ТР Хөкүмәт йортында ТР Президенты Рөстәм Миңнеханов һәм ТР Премьер-министрының беренче урынбасары Равил Моратов катнашында узган республикакүләм киңәшмәдә ТР Премьер-министры урынбасары – авыл хуҗалыгы һәм азык-төлек министры Марат Әхмәтов.
Татарстанда дүртенче атна урак өсте бара. Урып-җыю кампаниясе башланганнан алып 43 процент мәйдан бушап калган, дип белдерде ТР Хөкүмәт йортында ТР Президенты Рөстәм Миңнеханов һәм ТР Премьер-министрының беренче урынбасары Равил Моратов катнашында узган республикакүләм киңәшмәдә ТР Премьер-министры урынбасары – авыл хуҗалыгы һәм азык-төлек министры Марат Әхмәтов.